MEIFAR CAZUAL

Malaysia Thawngpang

2009-04-23T01:13:00.000-07:00

Nizaan i an tlaihmi hna dihlak cu minung 114 an si, An tlaihmi hna chung ah Naupawi mi 2 an i tel kum tlinglo 18 an i tel, cuchung ahcun hngakchia kum khat atling rih lo mi 3 an i tel kum 2-3-4 tbk..pawl zong an i tel len hna.Imbi ah Operasi an luh lo nak hi a sau ngai , 2008 chung ah khan cun an lut hraw lo.Tutan ah pical ngai in an lut tik ah lung a caw ko. Imbi Operasi an luh ahhin hngakchia le naupawi tlaih, cun UN hmu cia tlaih hi cu 2008 an luh lio ah khan tlawmpal te a um,cuhlan dang ahcun UN card hi cu luat peng asi tawn.

Tutan i alutmi hna hi RELA zong an silo.Bandaraya Mawtawka in an ra i, ttih awk ah khin a ruah awk zong theih asilo.Siipiin mawtaw hi cu ai chok tawn mi a si caah le an mah siipiin hi cu mitlaitu ah kan ruahmi hna asilo tik ah i ralrin cia awk zong ah afawi lo ngai.

Tutan an luh cu nu le hngakchia an tam khun i lungthin a nuam lo khun ,chungkhar ning in tlaihmi zong an tlawm lo, hmunkip um Laihri tlai nih nan um hmun cio in thlaza camnak he kan bawm hram cio u.

Kawlram ah Football clup a um ve cang!

2009-04-10T01:10:00.000-07:00

Vawlei cung hmun kip ah football club an um cio i, England/ Spain/ Italy/ Germany club pawl hi an min a thang khun i, kan nih Asia mi le lai mi nih cun England ram club pawl hi kan uar khun hna. Atu ah kan kawlram zongah Myanmar National league aum ve cang.cu hna cu,
1. Yangon United F.C ( yangon le a pawng kam)
2. Yadanarbon F.C ( Mandalay le a pawng kam )
3. Delta United F.C ( Ayeyawaddy tine le a pawng kam)
4. Magway F.C ( Magwe le a pawng kam)
5. Zeyashwemyay F.C ( sagaing in a chak lei lea pawng kam)
6. Kanbawza F.C ( shan ram le a pawng kam)
7. Ooktar United F.C le ( Pegu le a pawng kam )
8. Southern myanmar United F.C ( Tanintayi tine le a pawng kam pawl) hna an si.Hi club pawl hi kawlram chung i ( sipuazi lei luthlai ) pawl nih a cozah ttanpi-nak he an tuah mi a si i, 2009 may thla caan ceu in cun bawlung chuih an thawk cang lai. Club pakhat nih bawlung chuih thiam 15 in 24 hrawng tiang an cawk cio cang hna i, bawlung chuih thiam pawl i Club pakhat in pakhat an i thialnak man le Club a thar ah an luhnak man hna cu, Ks- ting 50 in Ks- ting 10 kar an si. Cun Bawlung achuaih-mi pawl i an lakkhah hna cu thla 1 ah Ks- 1000000/- in Ks 300000/- kar lak an si hna. Kawlram ai awh in arak chuih cang-mi pawl hna a tam deuh hi an lak-khah a sang hna i thla khat ah ting 10 a hmu mi pawl hi an si. Kawlram khan in cun an lakkhah a sang ngai tiah kan ruah hna nain English premier league i a chuih mi Rooney/ Ronaldo / Ferdinand/ lampard le Terry te pawl an lahkhah hmai ahcun nih chuak khi a si rih ko. Azei a va si zong ah Myanmar National League aum ve cang-mi cu, Lentecelhnak lei kam ah kawlram nih vawlei cung ramdang bantuk in hmai lei ah kar 1 a hlar ve cang ti khawh a si.
(by,Thangzalian Mandalay.)

Malaysia cozah boruak

2009-04-08T09:22:00.000-07:00

Nizan tihni khan Malaysia Prime Minister cu Najib Tun Razak asi cang i Abdullah cu PM in ai din cang. Najib hi 2006 lio i Mongolia model nu thah ruang ah khan mipi nih zumh lo ngai mi asi caah PM akai cangka in mipi an duhning zulh colh nak ah ISA in thong atla mi 13 achuah colh hna. NGO abik in Suaram nih 1997 in an au hnawh mi ISA-Internal Security Act hrawk ding timi kha thatein kan ruah piak hna lai ati caah mipi duhning hi Abdullah nak in zul deuh phun in aum colh.

Cun Dr. Mahathir zong UMNO party ah ahung lut than cang. Najib le Mahathir hi anupi lei in chungkhat an si. Malaysia nih independent ahmuh ka in nihin tiang ah Prime Minister hi Najib he hin 6 lawng an si rih. 1958 ah Independent an hmuh i Singapor ni 1965 a achuak tak hna.

PM hmasabik tuanmi hna ah 1. Tuanku Abdul Rahman, 2. Tunku Abdul Razak le 3. Tun Hussein Onn hi unau chungkhar deuh an si dih hna. Najib hi Tunku Abdul Razak fapa asi. Cucaah Malaysia ram uktu hi Najib te chungkhar deuh hi an si dih.

NGO le TV reporter tampi nih biatak tein Malaysia ummi ramdang mi thongtlak tik ah Thailand ramri hlonh hi an doh caah hi hnu cu thongtlak tik ah ramri kuat loin saupi thong chung ah taanter afawi te. Cozah nih refugee kong hi phun dang in ruah piak nak angeih tung lo i thongtla le ramri kuat aduh fawn tung lo ahcun Laimi refugee zapi thongtla caah hin saupi thong ah taan khawh asi.

Cucaah Malaysia ah hin Laimi ( Chin miphun ) thong tamtuk kan um mi hi UNHCR nih kan dihlak in refugee cu aka pek lo pin ah ramdang in resettlement an kan laak khawh tung loin mualpho in um kan fawi te. Tilian le meikaang kar ah taan kan fawi te cang.

Dauk Seri Najib Tun Razak

KUALA LUMPUR, April 1 (Bernama) -- A team comprising police and immigration departnment officers has been set up to combat human trafficking.Inspector-General of Police Tan Sri Musa Hassan said the team was currently investigating allegations on syndicated human trafficking activities involving enforcement officers at the Malaysia-Thai border."The Malaysian Government is serious in combating human trafficking. Legal action will be taken against those involved, and we are also working closely with our Thai counterparts in the investigation, " he said in a statement here Wednesday.Musa said the police were fully committed in addressing human trafficking issues, in line with the Anti-Trafficking in Persons Act 2007 (Act) 670, which was enforced on Feb 28, last year.He said the act had taken into consideration, the United Nation's protocol to prevent, suppress and punish perpetrators of trafficking in persons, especially women and children."A tripartite meeting among the police chiefs of Malaysia, Brunei and Indonesia was convened early this year, whereby matters pertaining to trans-national crimes, particularly human trafficking, were discussed extensively, " added the IGP.In January, a foreign news agency reported that the US Senate was investigating allegations that officials in Malaysia were extorting money from foreign migrants and were linked to human trafficking.The AFP report, among others, stated that the migrants, mostly from military-ruled Myanmar, were allegedly taken by government officials to the border between Malaysia and Thailand where they were extorted or sold to human trafficking syndicates.

IGP Tan Sri Musa Hassan

Click HERE to see markets in Yangon
Click HERE to see more markets
Click HERE to see Chin State ( Myanmar )

Italy ram L'Aquila khua ah li fak ngai aa hnin

2009-04-06T13:13:00.000-07:00

Tuzing 3:32am ah khan Italy ram Rome khuahlipi in nichuah chaklei meng 60 a hlatnak i a ummi L'Aquila khuahlipi ah lihnihnak fak ngai in a cang. Mah hi Apennine tlangkam hrawng awt in aa hninmi a si. Hikhualipi hi minung 72,948 an umnak a si i Italy ramchung ah hin tourist khualtlawng pawl zawng nih an kal huam tak tak nak hmunhma dawh ngai pakhat a si. CNN thawngthanhnak ah cun minung 100 reng lo an thi i 1500 an i hliam a ti i BBC nih cun minung 91 an thi i 1500 an i hliam a ti. Mah lihnih ruang ah hin minung 100000 hrawng hi in lo nei lo in an um tiah L'Aquila khuasa a si mi Mayor Massimo Cialente nih a chim. Inn 10000 in 15000 kar lak a hrawk i L'Aquila khuahlipi hrawng khua 26 le a dang dang pawl cu zohawktlak lo bak in a rawk ko. Hi khua ah hin December thla hnu khan voi 60 reng lo hi din te te in li a a rak i hnin pah lengmang cang an ti. Mah hi a fak tuk ko nain 1980 kum i Nepal ram a rak i hnih lio minung 3000 hrawng an thih lio tluk khan cun a fak tuk lo tiah an ti.
ref: CNN/AP

Thawng Pang

2009-04-05T04:16:00.000-07:00

North Korea nih Rocket a ngeih mi cu atu April (4-8) chungah hin testing in thlah ding ah timh tuahnak angei dih cang tiah ta ding nih an chimh cio. An zumhnak ahcun zaa han zarhteni kha athlah cang men lai tiah zumh cio asi-nain South Korea ta ding nih a chimhnak ahcun Van ah min-mei a tam tuk thlei ah thli zong a hrang tuk caah a thlah lo mi asi kho men tiah a chimh.

Ni khua a chiat lio ah an thlah i an awng min lo sual ahcun kan ning a zah sual lai ti anphang ruang zong ah asi kho mi a si a ti.Hi kong ahhin American,Japan, South Korea ramhna nihhin North Korea rili kam ah an hngak lio asi bantuk in Japan nih cun a tilong pahnih in hi kahrongah hin Rocket apuak tikah adip te te a tla kho tinak ah abawh ve i araktla sual a si ahcun ka kah colh ve lai ati. (Aa Bawi, Meifar)

Thawng Pang

2009-04-05T00:13:00.000-07:00

Biaknak zalon lo bik cazin

Biaknak lei ah kawlram cu zalong lo bik pahranak ah a tel tiah American nih kan hnu zarh ah thawng a thanh. Cu thawngpang thanhnak cu vawlei cung biaknak zalonnak lei I American commission nih a thanh mi asi.Hi commission nih 2008 ca I thawng a thanh mi ahcun Khrihfa le Muslim biaknak rikhiahpiak asi bantuk in phungki hna an zalonnak zong hi a kham ve teah thawng a thanh chih.Ram kip phungki bu thailand I haotu zong nih phungki sianghleirun ah ralkap cozahan I thlak tuk tiah a ti.thonginn zong ah phungki le tilahsin zong 300 leng an um I kan hnu kum2007 buainak lio hnuah khan a tluami zaleng an si tiah biaknak lei Uh shyung bu nih an chim. Biaknak lei zalonnak kong hi 2006 in an rak thawk cang mi a si atu ah Obama zong nih athar in atheih hngalhpi.Cu Biaknak zalonh lo bik cazin ahcun kawlram, Iritrea, Iran, North, Korea, tuluk, Samdiarbia, Sudan le Uzbekistan hna an si.

Vawlei chungchiah bom chiahthlau ding

Vawlei chungchiah bom chiah ti lo ding in ni chuah thlang lei Asia nih thailand ram Bangkok khua ah kan hnu April 1-3 tiang Meeting an tuah. Asia ram chung ah vawlei cung chungchiah bom chiahmi hi a miak tuah in a ummi an tam chin lengmang caah hloh zokzok ding ah ICBL vawlei tang bom hmanak ah kham-tu bu upa pakhat nih a chim.kawlram Nepal, Sri lanka le Vietnam ah a thiami an ram tuk cang ruang ah atu bantuk in ralrinnak an pek hi asi. Acheu bom cu a luancia kum har lio chiahmi le a cheu cu nai hrawng I chiahmi ah si a ti. Kawlram Cambodia, Lao, Vietnam, Thailand, Australai, Nepal ti bantuk nichuah Asia ram in ram 17 na kai. Meeting kai mi lak ah Kawl ram lei in an chimhmi cu ara lai mi kumnga chung ah kawlra caah zeidah a ttha bik in ka tuah lai ti mi dah lo cu dikfiang in bom kong ah a chimhmi a um lo.(RFA nih a chimmi asi) (Aa Bawi Meifar)

Malaysia Thawngpang 02.04.2009

2009-04-01T19:28:00.000-07:00

Malaysia Thawngpang

April 1, khuadei hlan 1 : 30am ah Malaysia Ampang i a ummi hna Mie kan miphun hawi hna le A pawng kam ummi miphun dandang hna zong Motor thongtla phorhnak 2 khat in an tlaih hna. Cu chungah Farrawn (Hakha) in minung 4, Dauchim 2,Fiarti in minung 13 an i tel ve. Nu 10 le Pa 9 an si. UN lei holh let-tu kan hawi pakhat nih (Langkap) thong an phan tiah a chim i, Fiarti nu a Boss pa nih Semenyih an phan a ti ve. Tlaihkhih mi dandang he cun tamtuk a si i aho chimmi deuh a si lai ti awk kan hngal rih lo.Keimah nih khua a dei in semenyih hi lamnaih deuh a si caah ka va kal hmnasa lai ka ti i, an caah thlacamnak in bawm cio hna u sih. An min; Tha Tin mawi, Tha iang, Maw Maw San, Hmet ki, Fam Tha Ki,Far Hliang, Zing Tha Iang, Tha Cuai, Far Hniang, ngun Hlei, bual Kung, Thawng Hnin Thang ,Sui Awi, Mang lain Hre Awi, Hrang Hmun,Than Cung,Van Hram Thang, bawi Lian hna an si.Hranhring kan hawidawt hna minung 10 hrawng hi an luh hnawh hna nain thlalang awng in an zuang i Minung 3 cu fak ngai in an i hliam, Ramlak ah an tli manh i an tlai hna lo.(Aa Bawi,meifar. Ref: Francis Za Thang Laiforum)

Malaysia thawng pang

2009-03-21T18:30:00.000-07:00

Malaysia Thawng pang

Malaysia thawng pang 20,03,2009 zaan-ttin suimilam 12.30 in 2.30 tiang Jln Pudu ah Operasi "Rela" an lut. Rela hi minung 50 hrawng an si "venka" 4 in-an ra cun lawhri 3 in-an ra inn cungah an kai hnawh hna i minung an tlai mi hna hi lawhri 3 an khat an si Zophei Center zong inn ka an king leng hna nain inn ka an noh hna lo caah an kir thak than hna operasi "Rela" an lutnak hmun hi laimi 100 hrawng an umnak inn a si.

Pathian dawtnak thawng in laimi umnak inn ah lut loin Ram dang mi hna inn ah an luh.Kan nih laimi cu Pathian dawtnak thawng in laimi an tlai-mi hna an um lo.Pathian nih laimi hi aa kan dawt hrimhrim ko.an tlai-mi hna hi bankala Indunisia kawlram yakhan miphun hna an si. Rela pa nih a chimhmi cu atu ah Jln pudu an lut cang a si nain hmai lei ah an lut tthan rih lai tiah a ti asinain Jln pudu lawng hi an lut lai ti-nak a si lo. Sang veng kip ah an lut ve ko lai tiah an ti tisi.

Cucaah dawtmi u,nau nu,pa kan umnak cio ah ra ring tein um cio hna uh sih Malaysia Cozah nih ka ram a thianh cang lai tiah a chim caah atu lio hi rianttuannak ah kan kal ah siseh kan tlawng lengnak kip ah raring tein um cio hna uh sih.

Atu hrawng hi Malaysia ram Kuala Lumpur khuachung ah cun mitlaihmang hna nih lam balok a tam ngai 21,03,2009 zaan lei suimilam 2.00.3.30 tiang Putrajaya lam ah an bolok Cun 13.05.2007 ni ah khan Kotaraya LRT satensian an Hobarasi an lut i ram dangmi an tlaimi hna an tam tuk caah nihin ni tiang hi cacawng ni ruk ni le zerhpi ni hi "Rela" an um peng ko Klang bus stop ah kan hnu le ah khan operasi an lut cang atu nang ah khan an lut tthan rih.

Malaysia um Lai miphun hna cu Biak inn pumhnak le hawi le kom hna sin ah "Kotaraya hi zerhte ni le zerhpi ni hi cu a hreh tuk mi a um dah ti lo cun kan kal lo ah a tha ni khat hnu ni khat Malaysia thawng pang a chia chin leng mang cang" tihi an i chimh chawn ngai mi bia a si. Kotaraya ticu KL, khuachung ah Kawlmi an i buut cemnak hmun a si.

Ram dang um Dawtmi chuah sen tti hawi Chin miphun hawi nan dih lak in Malaysia um Chin miphun kan caah thlacamanak in ra kan bawm cio uh. (A Bawi, Meifar)

Norway khualipi Oslo ah Muslim nu nih a Hijap/ Lutuam a khanh

2009-03-08T13:37:00.000-07:00

Tuni 08.03.09 Sunday ah Oslo S khualai( Tlawmpal ah a min an thlan deng cangmi) ah Muslim nu pakhat nih a Hijap/ a lu tuam a phawih i a khanh huar ko.

Mah Hijap kawng hi an i ceihnak a sau ngai cang. Tuan deuh ah khan, muslim nu pakhat nih Norway ah Police a tuanding a si ah cun a lu tuam hi a tha maw tha lo ti hi ceilak an i ceih cang.

A ruang cu Police a sinak a uniform ah a tel lo ti a si. Sinain a cheu khat nih cun Muslim hi culture le tradition ( phunglam men men) a si lo i Biaknak pakhat sinnak lanhternak a si an ti ve.

Cheukhat Muslim nih cun Hijap ( lu tuam hi)nu an kan zawmhteihnak le pumpak zalawnnak a kan dawnhtu men a si an ti ve. Tuni i Sara Azmeh Rasmussen nih a lu i ummi a Hijap te a van i phawih i a van khanh ruangmang cun Muslim pawl cu an mitthli a tla len i snow ball in heh tiah Lutuam a khangtu nu cu an cheh. Ram pakhat ah tuni a cangmi hi thaizing tuanbia a si i a poi ngai ngai. Norway hi vawleicung ramdai an thim hna ah hin pa 2/3 hrawng ah a um peng.

Cun, ruahawk a ummi cu mah ti thil pakhat an mah biaknak bak ah a cang tik ah ruahawk cu a um tak tak. Thinphang ngai ngai a si ko hih. Muslim nu pawl nih an chimnak ah cun, mah nu nih khin a Hijap Muslim a sinak khi a khanhnak in a mah le a mah a khanhmi khi a caah a tha deuh an ti nain a mah nih a thawh ve nak ah cun, ram pakhat mah pumpak zalawnnak i ka ummi cu ka vantha tuk kai nuam tuk i keimah pumpak zawng ka za a lawng tuk a ti chih.

Cun, an biaknak kawng zawng ceilak a chim. VG thawngpanghlattu nih mah tin na lutuam na khanh tik ah Muslim pawl an thinhung dih ne hi teh nangmah le nangmah na thup lai maw hmun kaakhat ah na zam lai maw an ti i ka umnak hmun te ah ka umpeng ko lai a ti. Cu Caah cun mah thil a cangmi hi Muslim pawl nih Norway cozah nih mah nu hi an fial chawmmi a si an ti sual lai maw? Phaisa an phalh i an tuah ter an ti lai maw? Norway ram hi ramdai ah a si peng kho thai lai maw? (Ref: http://www.vg.no/ le http://www.fritanke.no/)

Turkey vanlawng Amsterdam ah a tla

2009-02-25T04:15:00.000-08:00

Tu zing zinglei Europe caan 10:40am, wednesday 25.2009 hrawng ah khan Turkish Airlines Boeing 737-800, ( Airline 737 hi vawleicung ah vanlawng tha cem pawl hmanmi, cun vanlawng engine zawng a thar lawng te hmanmi minthang ngaingai an si) asimi cu Turkey khualipi Istanbul in a thawh i Netherland ram Amsterdam's Schiphol airport ah tum a timh lio ah accident a tawng. Mah hi zei ruangah a si ti hi tu tiangah fiang in theih khawh a si na lo in nikhua chiat ruang deuh puh a si. Zei caah tiah cun Europe chak lei cu a tu hi winter a lai fang pi a si i, ram tam deuh ah cun winter holiday neih cio a si. Mah vanlawng chungpi ah hin minung 130 reng lo an um . Turkish Transportation Minister Binali Yildirim le Vanzuanlawng lei pehtlai in chimnak nawl a neimi pawl nih an chimnak ah cun a hliammi cu an um nain a thi mi cu an um lo an ti nain, CNN-Turk nih cun minung pakhat a thi tak ko tiah fiang tein thawng an thanh. Cun, hmanthlatu pa pakhat nih cun, mi tampi plastic rangpi in an tuam hna i an hrilh leng ko hna ka hmuh chih ko tiah a chim ve.Vanzuanglawng lei pehtlai in chimnak nawl a nei mi nih a chimnak ah cun minung 20 a hliammi an si a ti. Sinain a dawnghnak thawngpang theihnak ah cun minung 9 an thi i tampi an i hliam khuai. Mah vanlawng pi hi a hramthawk a tlak ka ah hin, a hnu lei nih hin vawlei hi a phak hmasa ti a si. ref: CNN

Tuluk miphun thongtampi an i thial

2009-02-10T16:57:00.000-08:00

Tuluk ram le Kawlram ramri hrawng ah khua a sa mi Tuluk miphun hna cu nai hrawng ah khan Tuluk ram chung lei ah athawng thawng in an i thial ti a si. Cu ka hmun cu Maiyang timi hmun a si.

Maiyang timi hmun ah hin nai te hrawng in electric le telephone line vial te an phih dih ti a si. Maiyang ah a um mi minung pakhat nih a chim ning ah cun February ni 9 le ni 10 ni lawng ah mi nung thawng tampi an i thial hna ti a si. Cu tin cun ruah lo piin hmun hma aa thial mi hna hi atlawmbik minung 4000 hrawng an si lai ti a si.
(KIA ralkap 1500 nih Kachin dohthlennak ni ah an i cerlio)
Cu ka hmun ah a um mi hna cu Tuluk ram in a ra mi electric le telephone line a hmang mi an si hna. Ruah lo piin cu hna cu an hrawhpiak tik hna ah, an thin a phang i an i thial zokzoknak a si theu lai tiah zumh a si. Micheu cu zamtim khua mawt ah an khua an chuahtak ti a si.

Maiyang hi Tuluk cozah zong nih nawl a ngei tuk lo i, Kawl cozah zong nih nawl a ngeih tuk lo nak hmun a si. KIO nih an uk cuah mah mi hmun a si. Mah cu ka hmun ah cun Tuluk ram in a ra mi mi rum cheukhat hna nih lentecelh i phaisa einak phun phun an tuah i, micheukhat a sung i a pe than kho ti lo mi pawl nai ah tamial an tleih hna ti a si. (Ref: RFA/BURMESE)

G T I ( government technological institute) Collage Sianginn Hakha Ah An Thawk

2009-01-31T22:30:00.000-08:00

Lai Khalpa

Jan. 26, 2009

Hakha,

Hakha GTI diploma sianginn cu December 15 khan an open cang nain Hakha khuchung in km (3) hlatnak hmun ah an sak caah sianghngakchia cheukhat a ke ( on foot) in a rak kaimi pawl cu ahcun an har ngaingai.

"Mah pine(state) chung i collage kai mi caah cun tlamtlin ngai dawh in kan ruah ko nain a hmun bel a hla tuk i bike a ngei ve lomi kan caah cun a fawi lo" tiah Hakha khuachung in a kaimi pakhat nih a chim.

Hi kong he pehtlai in GTI sianginn rian ngeitu

pakhat nih "Kan lu bik asimi let-tthoh Kat-tthih-kah, U Phu Tin nih February thla thok in Ferry Car ( cu-puh ) kan damhpiak hna lai a ti ko i zeidik a lawh te lai. Cu lo ah cun a lam a hla deuh caah sianghngakchia bike a ngei lo caah a kal kir a fawi hrim lo" tiah a chim.

Major thim ding pa 5 an ngei i cu hna cu, Civil, Electronic Power, Electronic Communication, Mechanical Power, le Computer Numerical Control hna an si.

An sianginn rian ngeitu pakhat nih " atu lawlawse cu diploma lawng asi rih lai i kum (2) program a si, a hnu ahcun B.Tech le, B.E zong kan pek khawh colh ko hna lai" tiah a chim.

Hakha GTI cu tukum hi an kai thok a si i, siangngakchia 37 an um. A kaimi hna cu Hakha, Thantlang, Falam, Mindat, Tedim le Tonzang in an si. saya te le zung riantuan cu a min in cun 45 hrawng an si nain a tu i a tuan taktak mi cu 22 lawng an si.

Tang 10 awngmi mark 320 cung ahmu mi poh kai khawh asi i school fee cu ks. 3000/- in an laak.

Hi sianginn building an sak nak hmun hi Pastor Hoi Cung Tum inn hmun a rak i cucu cozah nih by forces hmang hin a inn hmun cu an ting(chuh) i an rakmi asi. (Ref: Salai Lairamthang, Laiforum, Feb 1, 2009)

VOCR Issue 5, January 4th Week 2009

2009-01-26T02:44:00.000-08:00

Voice of Chin Refugee Newsletter mah ka ah hin download khawh a si. Mah ka ah hin hmet

Obama le US Presidential Inauguration Day

2009-01-18T22:03:00.000-08:00

Ni thum hnu ah

ramhun a tuan dingmi, Barack Obama nih Feb. 20 ni thawk in Pu Bush cu a rian a chan cang lai.

ramhun hlun, Abraham Lincoln nih ramhun a rak tuan lai ah a tuah bantuk in Obama zong nih Philidelphia khua in tlanglawng a cit i, Washington D.C ah a rak phan. Baltimore khua a phak ah minung thong 50 reng nih an rak hngah i biachimnak a ngei. Mah hnu ah Washington khuapi ah a lut.

Beltimore khua i Obama bia a chim lio

Tuchun ah Abraham Lincoln philhlonak lungphun an tuahnak ah hlasakthiam pawl nih zaisawmrel an tuah i, mah ka ah cun an chungkhar in an ra i, bia a chim. Minung million a cheu tluk an chuak. Washington D.C khuachungah khual le lai a phan dingmi hi minung million pahnih tluk an si lai tiah an zumh. Vawleicung khuazakip in ramhun pawl, vuancichuk pawl le ramdang vuanci pawl pin ah ram aiawh in palai tampi an phan lai ti a si.

Obama Inauguration ah caah

phaisa in miliion 150 renglo a dih lai ti a si. , George W. Bush chan (2005 ) i inauguration lio ah $42.3 million a dih. Bill Clinton chan lio (1999) ah $33 million an rak dih ti a si. Pu Bush nih Washington D.C khua chungah Emergency a chuah i, mipi hunhimnak caah million 15 a dih lai ti a si. Obama cu mizeimaw nih an thah sual lai ti phan ah secret service pawl nih special in ramhun a cuh thawk khan an congh cang. Tutan Obama Inauguration ah hin minung million 2 in million 3 an chual lai tiah an zumh.

Abraham Lincoln nih sal zuatnak phung a hrawh i, tuanbia a tial. Dr. Martin Luther King nih a luancia mi kum 50 tluk i a rak chim lengmang mi a chunmang ( I have a dream ) cu atu hi a tling cuahmah cang. Bawi le sal cabuai pakhat ah rawl an i hrawm lai timi cu atu hi a si. Pathian nih minung hi a tluk cio in a kan ser. Obama nih a chimmi ah, "US ah hin a si kho lomi a um lo e" a ti.

ramhun a thim lio i, telnak bia a chim lio ah siseh, nizan i, Lincoln Memorial i bia a chim lio zongah siseh, a nolh than.

Obama nih US tuanbia lawng si loin vawlei tuanbia tial a timtu a si. Miphun tleidanak vanpang, minak le mirang thleidannak vanpang, mirun le misifak thleidannak vanpang a chimtu ding a si. Minak ca lawng ah a si lo, Asian ca zongah a si, Latinos ca zongah a si, ngaktah ca zongah a si, nuhmei, pahmei ca zongah a si, mi sifak ca zongah a si, Chin miphun ca zongah a si, vawleicung mi vialte ca zongah ah a si. "US ah a si kho lomi a um lo" timi bia nih mi lungthin a hninh hringhren. Febuary 20 ni zinglei suimlam 8 in CNN nih Live in Obama Inauguration lio kha an piah lai i, a zuanmi poah nih rak zoh cio te u, kan pum in kan i tel khawh lo hmanh ah a lang in US tuabia tial caan ah tel khawh i zuam cio hna usih.(Ref: Lairamthang, Laiforum, January 19, 2009)

VOCR Newsletter Jan 3rd week 2009

2009-01-18T22:00:00.000-08:00

(http://www.slingfile.com/file/23613-37519703a8.html) VOCR Zarhtinchuak News letter, January zarh thumnak mah hi ka ah hin zoh khawh a si. (Mah hi ka hin hmet)

Kawlralkap nih Khrihfa Biaknak an Khen Kham Peng rih

2009-01-16T06:46:00.000-08:00

Kawl ralkap uknak tang ah Khrihfa bu hna cu an tuar peng rih ko. Yangon ah a um mi Khrihfa biakinn pahnih cu a hramhram in ram a um mi Kawl ralkap riantuantu hna nih an khar piak hna ti a si.

December thla 2008 chung lawng ah Rangon, Dagon Myotit ah aum mi khrihfa buhna a si mi Dagon Joshua Church, Evangelical Baptist Church le Karen Baptist Church hna cu ralkap uktu bawi hna nih pumh an senh ti hna lo, biakinn kutka an khar piak hna ti a si.

December 22, 2008 zan ah khan Dagon Joshua Khrihfabu pastor pa cu zan ah an luh hnawh i bia an hal. Cun an biakinn ah khawmhnak tuah ti lo ding in nawl an pek ta ti a si. Cu hlei ah Nargis thlichia hranlio ah mi harsa bawmhnak caah timi phaisa cu biakinn hmunhma cawknak ding caah le biak inn saknak ding caah na hman, cun Buddhists hna Khrihfa luhter ding caah na lem sawi hna tiah sual an phawt chap bei ti a si.

December 29, 2008 ni ah khan EBC biak inn cu YaYaKah pawl nih an khar piak hna ti a si rih. Zanlei suimilam 6pm hrawng ah YaYaKah le a dang tampi an ra i an khar ti a si. Biakinn ah pumhkhawhnak ding caah theihpinak catlap ralkap sin in raklak mi zong an zoh ter ko hna nain, an khar chih ko ti a si. A ruang zeizei chim lo in cu tin cun an khar ti a si.

Rangoon khua hmun dang dang ah a um mi inn ah tuah mi Khrihfa bu fa tete a dang dang hna zong an khar piak len hna tiah theih a si. (Ref: Chinland Guardian, 14 January, 2009, Van Biak Thang)

A thluak a leng ah a chuak mi hngakchia

2009-01-16T06:19:00.000-08:00

Man Sien Cin le Hau Khan Khai hna i an fa te a si. Jully thla, 2008 ahg ah khan a chuak. A thluak hi a vawrhlei luzik lei ah khin ahlei in a chuak i nem duk in aum ti a si.

An nih nupa hi 2007 lio te in UNHCR nih Ralzam sinak theihpi cangmi an si.

An pa hnih in kum 20 reng lo ve ve lawng an si i an kum hngakchia ngai rih hna.

Hngakchia te anu hi Tonzang Khuapeng, Sielthawzang khua mi a si.

A tu lio ah hin sithlawpnakding caah phaisa a bawm kho tu an um lo caah anu hi a lungre a thei ngai. Operation tuah lo ah cun kumkhat pin a nung lai lo ti a si. A nun khawh cem ah kumkhat lawng a si lai tiah doctor nih a chim ti a si. A tu hi hngakchia cu thla 7 a si cang i a tak a lin leklek ko ti a si.

An hngakchia thlawpnak caah hin UNHCR nih phaisa bawmhmi in a zat lo ti a si. Hngakchia te i a pa hi mi damlo ngai a si ve i rian zong tthathi a ngei lo mi a si. (Ref: MIzzima News)

An nupa in chawnh a duh mi le bawmh a duh mi hna nih phone: Man Sien Cin (ph: 016-9729610)

New York khua chung Hudson Tiva ah vanglawngpi ( Airbus)

2009-01-16T05:33:00.000-08:00

January 15,2009 zanlei sangah khan US Airway number 1549 New York's LaGuardia airport in Charlotte, North Carolina lei a kal lio ah vate buchawih ka he a tawng i engine a hman lo ruang ah , fak ngai in hliamkhuainak a tawngding an si na tein, vanlawng mawngtu (pilot) Fred Berretta nih New York khua a ummi Hudson tiva ah vanlawngpi cu a tum ter. Mah vanlawng a engine hi ruahpak lo in a chiami a si i, vanlawng mawngtu nih hmunhma tumnak a hmuh lo caah ticung ah a tumpi mi hna a si. Mah vanlawng a mawngtu pa hi mi zapi nih an thang that ngaingai. A ruang cu accident tawn lio ah mah tluk in ruahnak kau pi a neih khawhmi hi a si. Khua chung a zuang lio ah vanlawngpi engine cu a chiat a si i, khuachung bak ah tla i, vanlawng chung a ummi passenger 155 le a chung riantuantu hna thih piin ah khuachung a tlaknak hmun i fakngai in i hlian khuainak vialte a tawngding a si caah mah ticung ah a tlakpi nak hna hi a si. Cun, mah vanlawngtu pa nih mah vanlawngpi engine a van chiah hin heh tiah passenger pawl kha a auh khenh hna i a auh khuanh piin hna ah ticung an um lio ah hin, vanlawng pi chung khan mi zapi an chuak dih cang maw tiah a zoh dih hnu lawng ah a mah hi a hnu cem ah a rak chuak. Cu caah cun, mi zapi nih mah pa hi an thang that piin ah zohchunh awk a tlakmi pilot tha pakhat a si tiah an chim. Hi pa hi US. Airforce F-4 fighter jets 1970 kum khan a mawngh hnu ah 1980 khan US Airways vanlawng mawngtu ah a cang. (Ref: CNN News)

SINGAPORE MINUNG PAHNIH KAWLRAM KONG HE PEHTLAI IN AN TLEIH HNA

2009-01-13T04:37:00.002-08:00

Singapore ram,rian ttuan nak lei zung (MOM)hmai ah singapore rammi pahnih hna cu kawlram kong he pehtlai in an duh lo nak an au pi i nazi cheu hrawng an au hnu ah Police pawl nih an tleih hna.An pahnih tein T-shirt a sen mi an i hruk i kawlram kong ah a cawlcang mi hna cung i namneh nak hi ma cang uh tiah ai tial mi (signboard)i put in an duh lo nak an langh ter.Singapor cozah nih kawlram kong ah a cawlcang mi hna hi a bik in a namneh hna caah hi Singapor rammi minung pahnih hna nih hin anmah(kawlram kong ah a cawlcang mi hna) can ah an duh lo nak an langh ter hi a si tiah biaceih tu Mr. Chat nih RFA ah a chim.

Kawl ralkap cozah nih namneh in le ning cang loin mipi an uk nak cung ah Singapore ram a phan mi kawl mi hna nih an duh lonak langter in an au nak cungah singapore cozah a lung a tlin lo nak,a cozah an i peh tleih nak a that ruang ah kawl cozah duh ning in singapore cozah nih kawlram kong ah a cawlcang mi hna a work permit a piak duh ti hna lo caah singapore ram ah kum tam pi rian a tuan cang mi hna ram chung in dah an chuah cawlh lo ahcun an caah lam dang a um ti lo.Kawlram lei zong ah vakir hna sehlaw kawl cozah nih tleih i thong a thlak hna ding a fing ko.Cucaah singapore cozah nih Human right zulh nak hnga kawlram ah kuat than ding mi hna can ai ah hi hna pahnih nih an duh lo nak langhter in an au nak a si ti ah Mr.Chat nih a chim. (Ref: RFA)

Voice of Refugee Newsletter January 2nd Week

2009-01-11T09:38:00.000-08:00

(http://boxstr.com/files/4613533_prrux/VOCR_Jan2ndWeek_09.pdf ) Mah hi ka ah hin VOCR Newsletter mirang ca in rel khawh a si.

Kalay Myo pawng ah vanlawng a tla

2009-01-10T08:08:00.000-08:00

Kawlram Kalay Myoh peng Singialzaang khua le Zitacu khua karlak ah Vanlawng khualtlawng phur mi a tla an ti. Minung 70 hrawng cu thih dawh an ti a pawng kam um mi nih an ruah. Pawngkam um khua pawl tuzing khah zoh ah an i thawh nain Kawl ralkap nih an siah hna lo. A tla mi vanlawng cu Ralkap nih an kulh i hohmat an kal kho lo. (Ref: Laiforum January 8, 2009)

Somali rili cung mifir pa nga hna an covo cio he an thi

2009-01-10T07:28:00.000-08:00

Aden Rili fonghlei(Gulf of Aden) timi hmun ah Somali miphun a si mi rili cung mifir hna minung 5 cu an covo dollor ting sawmthum cio he rili ah an pil i an thi. An nih pawl hi oil-laden Sirus Star an timi Saudi mirum hna nih meihang an phawrhnak tilawng a ngan ngai mi pakhat cu rili cung ah an rak kham i, phaisa an hal hna.

Mah cu tilawng cu thlahnih chung an hren i January 10, 2009 ni ah phaisa an hmuh khawh hnu in mah cu tilawngpi cu an thlah than ti a si. Sirus Tilawng chung ummi riantuan tu hna le a dang mi pawl hna a nunnak him te in an thlah than dih hna.

Mah tiin, tilawng phaisa a hal mi hna minung 8 hna hi tilawng cung in phaisa an covo cio an i lak hnu ah tilawng cu an kal tak. Boat a fa mite pakhat in rilikam an hung fuh than lio ah tilet he an i tong celngel i cu ticun, minung 5 hna cu an covo phaisa he ti ah an pil i an thi dih ti a si. Minung 3 belte cu ti an i lio i cu ti cun rili kam ah an chuak kho hna ti a si.

US nevi nih hman an thlak mi ah cun paracute pakhat nih mifir hna caah thil a thlak piak mi hna hmuh khawh a si ti a si.

Rili cung mifir hna nih hin Sirius Star timi tilawng cu November ni 15 ni khan lam an kham i, rili kam in meng 100 reng lo aa hlatnak ah an hren. Mah tilawng cung ah meihang $100 milion man hrawng a um i minung 25 an i tel ti a si.

US nevi nih thong an thanh ning ah cun nikum chung ah tilawng 100 reng lo cu Somali rili cung mifir hna nih lam an kham hna i phaisa an hal hna ti a si. Somali ram hi 1991 kum te in khan cozah tthathi in an ngei ti lo caah an ram hi an har sa hring hran. An ram chung milu cheu hnih cheukhat cu ramdang bawmhnak phaisa lawng an ei kho ti a si. Rilicung mifir an tam tuk hring hran i a tu lio ah hin tilawng an hren cuah mah mi dozen khat(12) hrawng an um i minung 300 hrawng an i tel chih ti a si. (Ref: Guardian Uk)

Kawl cozah nih American professor pa le a nu pi an kir ter hna

2009-01-05T22:47:00.001-08:00

American ram Califonia i a um mi Berkeley University ah professor atuan cuah mahmi Eric Stover le a nupi Pamela Blotner hna cu kawlram tlawng ding in1.1.2009 zanlei ah Thai Airline in Yangon airport ah an rak phan i kawl cozah nih Yangon Airport in a kir ter than hna.

<---Berkely University hmanthlak

RFA thawngthanh bu nih a thanh ning ahcun Berkeley's Institute of International Studies i human rights kong ah Director a si mi Eric Stover cu luhnak nawl an pek ko nain a mah a nu pi Ms.Palema Blotner tucu luh nak nawl pe duh loin a pawng ah an dir ter tiah a thanh.Minute 15 hrawng an dir hnu ah Thai Airways lei in lutlai pakhat le Burmese Imigration lei lei in lutlaipakhat an ra i Stover i anu pi Blotner min cu kan cazin ah a um lo an ti i ai citmi vanlawng (Thai Airway)lila in an kir than.Cupin ah kawlram mi hlathlai tu lei nih an pahnih in hman zong an thlak chih hna.

Stover hi 2007 lio i Yangon U.S Embassy i Burmese American Art Exchange rak tuah ding ah Ametican ram in minung 12 le Kawlram in minung 24 an rak kham mi hna ah khan a rak i tel ve mi a si. (Ref: RFA-Burmese)

VOCR Newsletter(Mirangca in)

2009-01-04T17:05:00.000-08:00

VOCR Newsletter A Chuak!!!. (http://boxstr.com/files/4558283_w9ejm/VOCR_Jan1stweek_09.pdf )mah ka ah hin relkhawh a si lai. Mirang ca in a si.

Malaysia ah Chin-Ralzam tampi an telih hna

2009-01-01T21:36:00.000-08:00

Kum 2008 a dih ni December 31 ni zing lei suimilam 3:00am hrawng ah Malaysia ram Kallang timi hmun ah Rela operasi a lut i Chin miphun a si mi Tedimmi le Falam mi a tambik an umnak hmun ah a si i, minung 80 hrawng cu an tleih hna ti a si. Minung an tleih mi hna hi an za te zeizat set ti theih thlu a si rih lo. Thonginn dang dang cio ah an kal pi hna ti a si. UNHCR catlap le card aa tleih mi tu cu an tlai hna lo ti a si.

Mi cheunih an zumhnak ah Khrismas tuah caan ah minung luhcuah a tam caah le thawngpang a um caah pawng kam nih an report hna caah mah tihin operasi an luh hi a si ti a si. (Meifar)

Wa ralkap le Kawl ralkap hnatlaknak an hmu kho lo

2009-01-01T21:21:00.000-08:00

Ralkap he kah ngawlnak a tuah cang mi Wah ralkap hna le Kawl ralkap hna cu December thla, 2008 chung ah ni 4 chung itonnak le biaruahnak an ngei. Kawl ralkap nichuah chaklei Major General(Bu chok) Aung Than thut cu Wa ralkap pawl tawn ding ah a va kal tu a si. A nih hi Lashio ah a um mi ralbawi a si.

Wa ralkap(UWSA) pawl cu Pansai khua, Shan ram ah a va tawn mi hna a si. Wa ralkap hi 2010 ah Kawl ralkap nih tuah ding mi election ah i tel ve ding tiah kah ngawlnak a tuah mi an si. Nain, mah hi tin an i tawnnak ah hin Wah ram cu mah tein i uknak pek ding kawng tiah rak chim cia mi kawng ah khan an lung a tlin lo ti asi. Kawl ralkap nih Wah ram cu then hnih ah then i, thlanglei Wah ram cu Kawl kuttang ah chiah peng an duh. Thlanglei Wah ram cu Thailand ram he aa tlai i chawletnak caah hmun tha ngai mi a si. Chaklei Wah ram cu Tuluk ram he aa tlaihnak Pansai peng hrawng cu a si.

Wa ralkap nih hin hriam tlaih mi cu thlah lo in, 2010 thimnak tu ah i tel ding tu hi cu an i ruah mia si ti a si. (Ref: RFA-Burmese)

Isreal le Hamas: Gaza raldohnak

2009-01-01T20:53:00.000-08:00

Isreal le Palestine hna cu December 27, 2008 ni thawk in khan an i kap cuah mah. An i kahnak hmun hi Gaza timi hmun ah a si. Jerusalem in nitlak thlanglei rili kam ah a um mi khua pakhat ah a si. Hamas timi cu Muslim ralkap an si i, Palestine ramthar ser ding ah aa tim cuah mah i Isreal he aa rem kho thai bal lo mi an si.

An nih ram pahnih hi kahngawlnak an tuah thulh an i kah than thulh ti inn an si peng. A hnu bik kah ngawlnak an tuah hi a luan ciami thla 6 ah khan a si i, December thla ah hin kahngawlnak an tuah mi thl 6 a donghnak a si. Kahngawlnak an tuah mi a caan a dih khawh in zarhkhat hrawng a rauh ah Palestine lei nih rocket in Israel ram lei ah an kah. Mah hi kawng ah hin Israel nih Paslestine cu ralrinnak vui tampi an pek hna. Rocket 50 hrawng Israel khua te le khua pi hna ah Palestine nih an thlahhna. Mah cu ruang ah cun Israel nih hi aa sum kho ti lo i, biatak tein ral tuk in a tuk than hna. Nihin(January 2) tiang an tuk peng rih.

Mah ti hin zarh khat chung deng mang an i kahnak ah hin Palestine minung 400 reng lo cu an thi cang i, minung 1700 cu hma an pu hna ti a si. Cu tin a thi mi hna lak ah cun ralkap a si lo mi mi sawh sawh 60 hrawng an i tal i, hngakchia 34 an i tel ti a si.

Kum thar ni ah khan Israel nih bomb 2,000 pound thazang a um mi pakhat cu Hamas hruaitu minung 5 lak ah pakhat a si mi a umnak hmun ah an thlak hnawh caah a mah he a dang Hamas minung 18 an thi ti a si. (Ref: Yahoo News)

Norway um Laimi nih X'mas lawm tein an dawn ve

2008-12-27T06:15:00.000-08:00

December 26, 2008

Chan Chan
Meifar Reporter, Norway

Tukum 2008 Bawi Jesuh chuah lawmhnak X'mas ni sunglawi cu Norway um Laimi nih sunglawi ngai in an hman ve. Norway ram chung i a ummi Laimi, buaktlak in minung 900 hrawng hi hmun dangdang cio in an um hna i, X'mas hi mah le umnak khua cio ah hin hmun tampi in hman cio a si. Cu hna lak ah cun Laimi tam deuh an umnak Norway ram thlanglei Rogerland ah hin X'mas a hmangmi hi an tam deuh khun. Sinain, Chaklei le ramchung a dangdang zawng ah sunglawi ngai in hman cio a si. Rogerland lei in, Egersung Khua um Zion Tipil Khrihfabu, Stavanger Chin Church, le Sandnes i Imannuel Tipil Khirhfabu hna nih nuam tein khamhtu bawi chuahni cu an hman. Cun, Norway ram khuahlipi bik Oslo lei a ummi Norway Chin Mission Church ( NCMC) zawng nih hin nuam ngai in kan hman ve. A dang kiang kap in a ummi Laimi dangdang zawng nih nuam ngai in mah le umnak cio ah rak hman cio a si.

Kawlralkap nih Thailand ram ah sapai (spy) an thlahhna

2008-12-27T05:20:00.000-08:00

Kawl ram ralbawi General Maung Oo i tawl relnak in, palek bawi Than Tun nih a hruai mi hna mi hlathlai (sapai (spy) minung 20 hna cu Myawaddy in Mesawk ah December 19 ni ah khan an rak phan ti a si. Cu hna nih an i timh cem mi cu ram chung in a thlitein Ralkap a domi phu hna nih tuah mi tintan phun phun a rak kai mi hna kawng lawm le cawlcangh ning ngia thlai ding le hlathlai ding caah a ra mi an si ti a si. Cu hna i an min hna cu hmanthlak ah khan zoh khawh asi. Ram chung ah politik cawlcanghnak underground in a tuah mi hna an cawlcangh ning ngiat thlai ding ah an i timh bik mi cu a si.

An mah lak ah hin nu an tam ngai ti a si. Than Tun timi palek bawipa hi ralkap bawi thing a si i, Bo Mya fapa a lem kho tu a si ti a si. Hi hna phu hi DKBA nih an bawmh hna i cu ti cun Thailand ramri an hung tan khawh hi a si. Mah cu hna cu

Medaw khlinik ah minung (5)
Fektori hna ah minung (3)
Mesok khuachung ah minung (7)
Myawaddy khuachung ah emergency operation caah minung (5) rizap in an chiah hna ti a si.

Mah hi minung 20 hna lak ah hin Karen holh a thiam mi le Mon holh tha te in a thiam mi hna tamngai an i tel ti a si i tih an nung ngai ti a si. Cu hlei ah nungak te te an telh chih hna i politk cawlcanghnak a tuah cuah mah mi hna i zumh sual ding in an um ti a si.

Khin Nyunt chan a dih khawh in Kawl ram ah Thaukhlan yi taktak an um ti lo caah hlan MI he aa pehtlaih tawn mi hna zawng an um ti lo i, palek SB, le CID cun BSI timi palek thaukhlan yi hna nih hin mah tiin heh tiah hlathlainak ah hin an cawlcangh mi hi a si. Mah hi hna nih hin a bik in DKBA hi an hman ngai hna ti a si.

Tu kum chung lawng ah Karen miphun hruaitu pakhat a si mi Phado Mhanshar cu a ho si theih lo mi kut in ruah lo piin an thah. Cu hlei ah Underground in politik cawlcanghnak a tuah mi Ko Ye cu an tleih khawh. Mah hi hna ruang ah hin Thailand ram le Kawlram he aa neihnak ah a um mi ramkhelrian a tuan cuah mah mi hruaitu hna nih i ralrin deuh awk ngai a si ti hi ralrin awk a um. ( Ref: Sone Saeyar Blog )

Malaysia UNHCR zung hmai ah Lai ralzam pakhat a tthi

2008-12-25T20:46:00.000-08:00

Kuala Lumpur, Malaysia
December 26, 2008

December ni 22, 2008 ah UNHCR, Malaysia zung hmai ah Matupi peng Ngale khuami Ye Thew cu a nunnak a liam. Kawlram ralkap kuttang ah sersatnak a tawn caah Malaysia ah a rak zam i ralzam a hung sawk. Malaysia ah 1998 kum tein a rak phan cang mi a si. UNHCR zung nih ralzam tiah an cohlang cia mi a si. US ram ah kal ding ah immigration interview a phi cang mi a si. 2008 kum lai hrawng ah khan US Department of Home Land Security interview a phi i a awng lo.

A nih hin Malaysia ram chung thong vui 4 a tla bal cang. UNHCR nih register an tuah hlan ah vui hnih a tla i UNHCR nih register an tuah khawh in vuihnih atla than. A thongtlaknak ah hin dam lo in a um beh. A thih hlan ah a hawi le sin ah a chim tawn mi cu "Thong inn chung ah mi he kan i vel i, Kawl mi pawl nih an ka doih(camnh), hnam in an ka tuah i ka zan mang ah hna hnawhnak an ka pek peng" tiah a chim tawn. Malaysia ah thong atlak lek lek tawn, cun a dam setsai lo caah rian ttha thi a ngei kho tawn lo, cu hlei ah reject a tong bal hawi i lung thadernak "depression" tam ngai a nei ti hi a lang. ACR zung ah hin a va kal tawn i, a lung rawhnak le a lungretheihnak a va chim tawn tiah ACR zung upa hna sin in kan theih.

A thihlai zarh ah hin zarhkhat chung rawl ei lo in a um. A mah nih cun rawl ka ulh a ti an ti. Malaysia ram Kalang timi hmun ah aum i, cu ka hmun ah cun mithalo nih a UN card an chuh piak. A dam lonak a zual ngai caah sizung ah an kal pi. UNHCR card aa tlaih mi aum lo caah Kalang sizung nih an rak co hlang kho lo. Mah caah cun, UNHCR zung ah card rak hlam than ding ah a ra. December 22, 2008 ni ah khan suimilam 3pm hrawng ah zung ah ahung phan. A rat atlai pah cang caah, officer te tawn duh ah minute 10 hrawng an hngah ter. Cu ti cun officer te nih an tawn khawh deuh hlan ah ruah lo piin a nunnak a dih cu a si.

Zung hmai ah a um mi hna le security hna nih a mit hmuh ning in an chimnak ah, zung a rak phan i minute 10 hrawng a um hnu ah aa teng an ti. Mah khawh cun, zung kutka hmai ah an thawn i cu ka ah cun a nunnak a dih. A pum cu Kuala Lumpur sizung ah tlik pi cawlh asi i, sizung a phanh hnu ah a thi ti cu fehter a si. (Meifar Reporter)

2009 Fur tiang Yangon Electric

2008-12-21T22:34:00.000-08:00

Kum 2009 fur tiang cu Rangoon khuachung ah nikhat ah electric mei suimilam 6 lawng pek a si lai i, cu hmanh ah cun rotating system an hman lai ti a si. Zarh khat ah nithum chung cu nikhat ah suimilam 18 pek a si lai i, ni hnih chung cu suimilam 6 lawng pek a si lai. Cun atnag mi ni hnih cu mei rat bak lo. A chang chang in mei pek a si lai ti a si. Rangoon khuachung ah hmun Group A, B, C tiah hmun thum an then i, a chang chang in mei pek a si ti asi.

Factory atamdeuhnak hmun ah cun, zingka 8 in zanlei 5 tiang electric an pek hna lai ti a si.
Privet sikhan le sizung hna ah, zan 5 in 11 tiang electric an pe hna lai lo.

Tulio caan ah hin, electric a tthat lo tuk caah, meiseh (generator) a zuar mi pawl an i keih ngai ti a si. Yangon khua hi Kawlram zate in electric an hman mi i 60% hi Yangon ah hman a si ti a si. Lamkip le sang kip ah meiseh mawngh thawng lawng te theih a si.

Kawlram ah hin hydro-power electric sehzung tuah cuah mah mi 22 aum i tuahrih ding mi 15 aum ti a si. A tu an tuah cuah mah mi Yeywa hydro-power electric hi a dih ah cun, electric thazang tamdeuh hmuh khawh a si lai ti asi. (Ref: 7DayNews Vol. 7. No. 39)

Kawlram a fuhmi Chaklei Korea ram in ralzam hna

2008-12-21T07:45:00.000-08:00

December 2, 2008 ni ah khan Chaklei Koria ram in a rak zammi ralzam minung hleikua hna cu Shan ram Tachilake ah an tleih hna. Kawlram chung ah a ningcang lo in an rak luh ruang ah kum hnih - thum cu thawng an thlak hna lai ti a si.

Cu minung 19 lak ah cun 15 cu nu an si. Biaceihnak an ing a hau lai i immikareson nawl le dan ning in dantat dawh an si, nain zei dik an cang te lai theih a si thlu rih lo.

Chaklei Koria ram hi communist cozah nih mipi an serset ngainak ram pakhat a si. An cozah that lo ruang ah kum chiar in minung zarenglo cu an ram chuahtak in ramdang ah ralzam an si hna. Mah tiin ram kip ah a vakvai mi ralzam hna caah thlanglei Koria rammi hna nih Thailand, Mongolia le Russia ram hna ah ralzam idornak hmun (Refugee Center) serpiak hna ding ah an timh tuah lio a si.

Kawl ram khuapi Rangoon ah a um mi Chaklei Koria palai zung cu 1983 lio ah bomb in an rak puah hnawh bal caah, Chaklei Koria ram le Kawl ram hna an i pehtlaihnak kum saupi chung a rak cet. 2007 kum ah i remnak a thlithup in an tuah than. Kum 2008 chung zawng ah hin ram hnih in an i leng kai ngai ti a si. Mah hi tin thil sining a um lio ah hin Kawlram ah a rak panh mi Koria ralzam hna cu zei tin dah bia an ceih te lai theih a si rih lo. (Ref: Reuters-Yangon )

Japan nih Kawl rammi Refugee a lak hna lai

2008-12-19T18:09:00.000-08:00

Thailand ah aummi Kawl refugee (Karen refugee) 30 hna cu Japan cozah nih an ram ah umter ding ah an lak hna lai. Japan hi kumkhat ah refugee tlawmte lawng ala mi ram asi. 12, 24 tibantuk lawng in kumkhat chung ah alak tawn. Atu ah ramdang aphan ciami refugee an lak mi hi avui khatnak a si.

UNHCR nih ramthumnak ah pemnak program cu kum 2005 in biatak tein Kawlram mi caah an tuah piak hna i, cu program cun Kawlrammi refugee 38000 cu ramthumnak ah an pemter khawhna.

Thailand le Kawlram ramri ah Kawlram refugee 120000 hrawng an um ti asi. Refugee camp lawng te 9 aum ti asi.

Japan cozah lei in Prime Minister Taro Aso le UNHCR lutlai Antonio Guterres Tokyo ah an i tawn khawh in,

mah hitin Kawlram mi 30 laknak ding ah khua an khan khawh mi hi asi. (Ref: Burnei Times )

Obama, Person of The Year (2008)

2008-12-18T20:05:00.000-08:00

Time Magazine nih Barack Obama cu " Person of The Year ( 2008 ) caah a thim.Time magazine nih a thimning ah US Treasury Secretary Henry Paulson, French ramhun Nicolas Sarkozy, Gov. Sarah Palin le Tuluk muvi director Zhang Yimou nih runner-up an tlaih. Zeitin an thimning, theih a duhmi nih a tanglei ka thilmi khi rak hmet te u. mah hi ka hin Video in vun zoh uh

US tuanbia a thlengtu le a tialtu, US tuanbia ah a hmasa bik minak ramhun a tuan ding, US tuanbia lawng si loin vawleicung tuanbia zong a thlen lai tiah an ruahmi pasaltha a si. Minak a si nain iang a ngei. Dr.Martin Luther King chunmang a tlintertu ding, John F.Kennedy le Abraham Lincoln he an tahchunh ttheu. Atu lio US ram lawng si loin vawleicung minung lakah a laar bikmi a si. Atu lio US ram le vawlei pumpi in sipuaizi tlak a timh hnik caan bantuk ahcun hruaitu tha kan herh hrimhrim ko. (Ref: Laiforum: December 19, 2008 by Salai Lairamthang)

Sung Tin Par va angei cang lai

2008-12-17T05:29:00.000-08:00

Lai miphun Kawlram minthang hlasak thiam Leng Sung Tin Par cu kum 2009 ah va angei cang lai tiah Yangon khuachung cazual pakhat asimi 7DayNews nih Vol 7, No. 38 nih a chim. A vapa ding cu Japan ah sianghleirun akai cuah mahmi, Engineering acawng cuah mah mi Lai miphun, khrihfa asi tiah aa tial. An hngak chia te in aa thei thing mi le aa daw thing mi an si ti asi. Ithihumnak ding caah timhtuahnak an tuah cuah mah cang ti asi. Nai te ah khan Sung Tin cu Japan ah zarh hnih chung ava tlawng ti asi. (Ref: Planet: News )

Lai leng dawh, hlasak thiam Sung Tin Par cu, amiphun Lai miphun nih siseh Kawlram pi minung thawng tampi nih siseh, kan uar ngaim hlasak thiam minthang pakhat asi. A nih hi Lai hla asak ah siseh, Kawl hla asak zawng ah siseh dawh te le rem tein asak khawh dih. A aw asang i, ngeih anuam, mi lung ahlip hlauter ngai. Lungleng mi hla asak ah le a aw rau attha i mi lungthin a suk khawh ngai. Kum2008 chung ah tuah mi Mautam bawmhnak caah thawhlawm kawl piaknak ca zawng ah heh tiah riliral vun pet in Malaysia, Thailand le Singapore ram hna ah miphun le ramcaah acaan le a thiamnak aa pe chan kho. A hnu bik ah December 14, 2008 ni ah Malaysia ram Kuala Lumpur ah a hawi le San Pi le Zam Nu he tiin Dr. Kyaw Win ( May Flower Bank ngeitu thing) hna tiin an rak phan i, Kuala Lumpur Baptist Church ah hlasak thangthatnak le Pathian bia chimnak an ngei. ( Meifar )

Kawlram ah GSM SIM kaat man fawi deuh in an zuar

2008-12-17T05:02:00.000-08:00

Yangon le Pegu khua hna ah December 13, 2008 ni thawk in GSM handphone ah hman khawh ding mi GSM prepaid card timi zuar hram an thawk. Cu hlan ah cun GSM hman khawhnak ding ah hin Kawlram phaisa in kyat 300,000/ hrawng a rak hau. Nain, nai i an vun chuah thar mi cu card pakhat ah FEC 20.00 lawng a si.

Yangon khua ah cun Mr. Fone Telecom Center nih FEC 10 man le 20 man tiin an zuar lai. FEC 10 man cu zarh hnih chung lawng hman khawh asi lai i FEC 20 man cu thlathum chung hman khawh a si lai. Thlathum ca cu, Kawlram phaisa in kyat 20,000/ hrawng lawng asi. Nain hi GSM card hi thlathum chung lawng chawnh khawh asi i, thlakhat chung ah hman dih hrim hrim ding ti ( hmanthlak: FEC 10 man )a si. Hman lo le i sungh khi a si hnga. (Ref: Plannet: mobile quoted from TheVoiceWeekly (Vol. 5, No. 8)

Phone card i cawk tik ah GSM number 09444 in ai thawk mi phone number ngah asi lai i, digit number 10 (biana ah 0944400011...tbtk) in number i tleih asi lai. Mah hi phone number a pawinak cu thlathum hman khawh in anumber athar i thlen lengmang ahau lai ti asi. Phone card i cawknak ding ah cun hmatpungtin, ram dang mi caah passport langhter ahau ti asi. RFA nih a chimnak ah cun Pegu khua i an zuar mi hi cawknak ding caah puaisa ahau ti asi. Puaisa in cawk a si tik ah thawng kul man cu thawng sawmthum deng ah aa chuah ti asi. (Ref: RFA)

Nain, nikhat nihnih a hmang cang mi Yangon i pakhat meifar Cazual nih ahal tiik ah, "Hman awk cu attha ve ko, nain SMS kuatkhawh asi lo. Cun, balance, phaisa zeizat dah ka hman cang i zeizat dah atang timi zoh khawh asi lo USD$ 2000 cent tilawng alang peng, cun hri-phone pawl in auh tik ah angah hua ha rua lo.... vui hnih hrawng ka test i angah bak lo.." ati. Mah hitin, GSM SIM card athar man fawi ngai in an vun zuar caah hin ahau paoh hand phone body i cawk cio an duh cang caah, Kawlram ah arauh hlan ah handphone man akai lai tiah ruah asi.

Bush Kedanh in Cheh Atong!!!( hot news)

2008-12-15T03:38:00.000-08:00

US ramuk George W. Bush cu Iraq ah thawng thanhcia lo in akal i Iraq Prime Minister Nouri al-Malikihe nizan Zarhpini December 14, 2008 ah khan conference an tuahnak ah, Iraq thawng hlat pa pakhat nih kedanh in achek.
<----- Hiti hin acheh ko hih!! :)
Goodbye Kiss...Ava mak dah .....
A cheptu hi Iraqi television i thawnghlat tu journalist Muntadar al-Zaidi asi. A cheh lio ah hin "this is a goodbye kiss from the Iraqi people, dog," tiah aau pah an ti. (ref: BBC)

<---- Ai phet
Ralkap penson ciammam!! phet a

thiam bak. Alu zawn ah khen dawh sinain, aa phet khawh. BBC nih chimnak ah cun a nawlh chap rih ti. A kedan pah

nih bak in a cheih. Avui hnihnak ah cun "This is for the widows and orphans and all those killed in Iraq." Nu hmei, ngaktah hna le Irak ah athi mi hna caah" tiah a au an ti.

<----- Achep tupa
Bush nih cun "Neh sawh ah ka rel lo. Irak i thawng hlat pawl hi nan va mak dah ( terrible ), tih nan va nung dah ati." Cun Ani i, "Atu aka chehnak kedanh kha number (10) asi" tiah capo in a chim ti asi.Mah hitin achep tupa cu antleih cawlh i aleng ah an kalpi cawlh ti a si. (Ref: BBC)

Bo Mya fapa Naypyidaw ah ruahlopi in akal

2008-12-15T03:12:00.000-08:00

KNU hruaitu lutlai thing tleicia General Bo Mya i fapa hniang ralbawi Saw Nay Soe Mya cu December 12, 2008 ni ah khan Thailand ram Bangkok airport in Yangon..cun Naypyidaw lei ah akal tiah thawng theih asi. Zeiruang set ah akal tihi theih khawh asi rih lo. Saw Nay Soe Mya hi Bomya fapa pali lakah ahniang bik a si. Anih hi KNU ralkap batallion(202) ah ralbawi atuan cuahmah mi asi. Mah tiin ruahlopiin akalnak kawng he pehtlaiin KNU AS nih achimnak ahcun " Naypyidaw tiang aphan tiah thawnpang kan theih.....Amah lawng asi. Anu sinah cun phone achawnh ko...Zeiruang ahdah akal, aho he dah ankal timi thawngpang cu kan thei kho rih lo"tiah achim. KNU hruaitu thing Bo Mya le annu Sayama Naw Lar Phaw hna nih hin fapa pali le fanu pathum an hrin hna i Saw Nay SOe Mya (Taylay tizawng ah an auh) hi paruknak asi. Anu Sayama Naw Lar Phaw cu tulio KWO timi Karen Women Organization i lutlai asi. (Ref: The New Era )

hamthlak Bo Mya fapa Saw Nay Soe Mya

Kawlram kong ah UN Palai an chiahmi a thi

2008-12-14T04:49:00.001-08:00

Kawlram kong ah UN nih a hlei in palai an chiahmi Indonesian former foreign minister Ali Alatas cu 11 December 2008 ah Singapore ah a thi. Kum 76 a si mi Ali Alatas cu Singapore ah kumkhat chung sii a thlop hnu ah lung zawtnak in a thi tiah thawng an thanh.

Ali Alatas cu 1988 le 1989 ah Indonesia foreign minister rian a rak tuanmi a si. Kan hnu August thla ah khan Kawlram ah a rak tlawng i Senior General Than Shwe he an rak i tong. Kawlram ramkong ah a thlen khawhnak ding ah UN GS hlun Kofi Annan nih rian a rak pekmi pa a si. UN h epehtlai in Indonesia foreign minister le Indonesia President Susilo Bambang Yudhoyono i ruahnak pe tu a rak si.

Ali Alastas ruak cu Singapore in an ram ah an kirpi cang i a ruak cu Indonesia i raltha upatmi ruak vuinak hmun ah vui ding in Indonesia cozah nih thawng an thanh. (Ref: BBC-Asia-Pacific )

Ni Vun fanu Sandar Win a luat

2008-12-13T07:36:00.000-08:00

Ni Vun ( Ne Win) fanu Dr. Sandar Win cu Kawl ralkap nih kum 6 chung thawng an thlak hnu ah an thlah than. Kum 2002 lio ah uknak lak an timh tiah ralkap nih an zumh hna caah a vapa le a tta le pa hnih cu Kawl ralkap nih tha lo tein an thah hna. Mah khawh cun a inn ah kan pi Aung San Sukyi bantuk in thawng an thlak ve. A nih hi ralkap sibawi arak tuan tawn. 1988 buainak deihter ding ah arak tang ngai mi a si ti a si. 1988 buainak a dih khawh in sipuaizi tuah in aa la i, vawleicung ram tam ngai ah hotel, dawr hna le sidawr hna tam ngai a tuah. A pa Ni Vun cu Kawl ram tuanbia ah roling in mipi nih huatmi uktu pakhat arak si. 1962 kum lio ah ralkap thazang hmang in Kawlram uknak cu alak. Daw Sandar Win an thlah mi kawng hi Kawlram cozah nih cun zei thawngpang hmanh an thanh lemlo ti a si.

(Ref: BBC-Asia Pacific, Dec 13, 2008 ).

Malaysia ah Lai miphun i pumhttinak

2008-12-13T06:40:00.000-08:00

Malaysia ram Kuala Lumpur khuapi ah aum mi Lai miphun khrihfa hna nih avuikhatnak bukip ipumhttinak cu nihin December 13, 2008 ni ah CCF biak in ah an tuah. Minung 900 renglo an phan kho, zanriah rawal dum ttinak zawng an ngei kho tiah thawng kan theih. Zinglei suimilam 10:30 in an thawk i chun hnu tiang an tuah. Hlasaknak phun phun, Pathian bia chimnak tiin pumhnak caan hman a si. Malaysia ah aum mi Lai

miphun asimi ipumhnak fellowship dang dang cio in an rak chuak cio hna. Zophei, Senthang, Lautu, Mara, Matu, Hriphi khua fellowship hna le CCF pumhnak ttin fonh mi asi. Mah hi fellowship tamdeuh hi Lai holh (Chin-Hakha holh) a hmang kho dih mi fellowship an si dih. Falam fellowship pahnih, Tedim pumhnak, Zomi pumhnak, Dai pumhnak, Mindat pumhnak tbtk...hna adang an um ve ko nain, nihin combine service ah hin an rak i tel ve kho lo.

'The First Chin Christian Assembly' cu nihin(December 13, 2008) ah tlamtling te in kan tuah khawh. Tlaih khih tam lio caan a si ko bu ah Pathian nih a kan ven i Civui a zawh khomi hi minung 900 renglo kan si. Mino hna nih Hallelujah Chorus hna an kan remh piak i kan i lawmh tuk ah kan mitthli a ha cio dih. Senthang, Lautu, Zotung, Mara, Matu, Zophei, Hriphi le CCF fonh in fellowship dihlak nih kan tuah ttimi Civui a si. "Pathian kan sualnak kan ngaithiam law, hmailei kar kan hlannak ah thluachuah kan pe ko" tiah Civui thlacamnak kan ngei i cuticun kan tlangtar a simi "Bawipa kan cung i aa lawmh ahcun..." (Nam. 14:8; Jos. 24:15) timi cu Rev. Ni Luai le Rev. Chan Ling nih phung an kan chimh. Solo, duet, action songs, hlaremh, le Praise & Worship hna nih kan lungthin a daihter ngaingai. Tutan kan Civui cu Xmas kan hman zong a si chih fawn. Pathian nih sunparnak co ko seh! Lawmhnak he Pathian thangthat bu in" tiah CCF pastor Rev. Lal Pek Lian nih a chim. (Ref: Laiforum Mail Dec 13, 08)

Yangon Tamwe Ingkanghnak

2008-12-11T08:05:00.000-08:00

December ni 10 ah khan Tamwe Yuhzana Plaza pawng ah nu pakhat le pakhat inn kangh ruang ah anthi ti asi. Nungak nu cu inn chung ah meikhu nih azelh dih i cuticun athi ti asii, tlangval pa belte cu inndot 4 cung in azuang i cuticun atthi ti asi. Rangoon ah cun electric mei aa rawk lengmang i, cuzan zawn ahcun electric ara lo tiasi. Electric ratlo zan asi caah phazawng dan hmang hna sehlaw cuticun phazawngdan in mei kang seh law adawh ti a si. Aruang cu fiang in theih thlu asi rih lo. (Ref: DVB)

Inn Rang ah Kawl internet thawnghlat an sawm ve

2008-12-11T07:48:00.000-08:00

Kawl holh in thawngpang atial tawnmi thawnghlattu Maung Yit cu December ni 10 Nuhrin Covo Ni kum 60 tlinnak tuahnak hmun Inn Rang ah an sawm ve. Anih hi 88 sianghngakchia pakhat asi. Api le pu hna hi catial thiam an rak si. Tu tan US president nih athimmi hna ah hin Sudanram Dafur, Kawlram, Tuluk, Cuba, Blaruz, Izip, Iran miram hna in Blogger pawl le maivan inn asermi pawl an itelhna tiasi.

(Ref: RFA/Burmese )

Vawleicung ah angan bikmi Kawhra(sweet potato)

2008-12-09T08:40:00.000-08:00

Lebanon ram Tyre khua ah aummi lothlo pa pakhat nih alo chung ah khuaruahhar in alianmi Kawhra(sweet potato)ka hmuh tiah AFP thawnghlet hna sinah achim. Vawleicung minthang rekhawt tuahnak Guiness Records ah aa tel kho ve lai tiah cupa nih cun ruah channak angei. Cu kawhra cu 11.3 kilos (24.9 pounds) arit. Cu lothlopa amin cu Khalil Semhat ti asi. Mah bantuk thilmak pakhat alo chung ah ahmuh caah cu lothlopa cu aa uang tuk hring hran ti asi.
(Ref: Yahoo News)

Kawlram thawngpang khawmhsut

2008-12-08T02:58:00.000-08:00

Zarganar le Nay Phone Latt RSF laksawng an pek hna

French ram ah hram a bunhmi RSF ramri thleidannak a ngeilomi thawnghlattu hna buu nih 2008 kum caah Computer internet hmangin nuhrin covo a aupi mi cyber-dissident an timi Bloger laksawng cu copo saihthiam Zarganar le Nay Phone Latt hna sinah an pak hna. Nikum September thla chungah phungkii pawl hruainak in cawlcanghnak an rak tuah mi le Nargis thlichia nih harnak a pek mi hna bawmhnak ah an cawlcanghnak a tuah mi hna upat peknak caah hi laksawng hi kan pek hna tiah, "RSF buu nih an chim. 2008 kum ah RSF laksawng an pekmi hna lakah cyber-dissident an timi blogger laksawng lakkhawh ding ahhin cozah nih thawngpang theih khawh lo dingin an phih lio ah mipi nih zalong tein thawngpang an theih khawhnak ding caah aa zuam mi 40 an thim mi hna lakah mi 10 hna cu hi laksawng co dingah thim mi an si. Hi hna lak ahhin Zarganar le Nay Phone Latt hi an i tel ve. Hi laksawng hi Zarganar hawipa Ko Htin Linn nih a aiawh in a lakpiak hna. Zarganar hi 59 kum thawng an thlak i, Nay Phone Latt kum 20 le cheu chung thawng an thlak liomi hna an si. (Ref: VOA)

Banki-mon kawlram a kal than lai lo

Kawlram chungah ralkap cozah a hrem mi hna luatnak caah tiin vawleicung ram hruiatu hlun 112 nih kawlram ah kal dingin UN Gen-Secretary Mr. Banki-mon sinah an nawlnak cu Banki-mon ka kal kho rih lai lo tiah December 3, 2008 ni ahkhan a leh hna. Hiti'n Banki-mon nih kal a duhlonak a ruang cu a phichuak hnagk in ruahchannak a umlo chung cu ka kal lai lo tiah, " Banki-mon nihcun a chim." Hi forhfialnak a ngei mi hna lakah hin

Norway

ram uktu hlun a simi pa nih Banki-mon cu phone in a chonh hna pinah a ca chungah kawlram chung ah ramkhelrian ruangah thawngtlami vailte an luatnak dingah kawlram ah UN General Secretary pumpak kal a herh ko tiah a nawl chih.

General Maung Oo biathli a lengah a chuak

Kawlram chung humhimnak le daihnak caah tuanvo ngeitu lutlai a si mi Home Affiar Minister General Maung Oo nih a chim mi bia cu Mizzima nih mipi theih in an thanh hna. Nikum September thla hnu lei ah zeidah kan tuah ti ahcun kan tuahserhnak vialte hi vawleicung ram vialte nih a diklomi tuahserhnak a si caah vawleicung upadi (phunghram) nih a duhlo tiah an ti. Atu lio vawleicungah ahhin ralkap nih a ukmi cu Pakistan, Sudan, Kawlram hna lawng hi an si i, cu ahcun kawlram hi a zualbik kan si a ti. Kawlram chungah dohdaltu vialte cu ramchung humhimnak lei tuanvo a si caah Palik le ralkap thazang karhter in a herh ahcun a mah pumpak zong nih a hmun ah kal in raldohnak leiah a herh mi thilri hna le meithal kuanzen vialte cawkchap ding dirhmun ah kan um tiah a chim. A ralai mi hmai kum hnih caah timhcia tein um dingin a mah hruaimi ramchung humhimnak lei `uanvo a si zia le lamhruaitu an si zia a chim. Ralkap cozah nih a ngih mi department 4 hna i an rian cu upadi(phunghram) a tlak mi a si i, a si khawhlo hnu lawngah department lutlai nih a theih tawn. Department chungah a um mi nu hna nih an biathli he an thei lo tiin a chim. Zarhkhat chung `uan hnga dingmi a rian hi zingka 5am ka tho i, a dihlak in ka tuah dih a ti. Zarhkhat chung `uan ding rian zingka tein a tuah dih khomi vuanci hi cu kawlram lawnglawng nih a ngeih lai ti usihlaw kan palh men lai lo. (Ref: Mizzima)

Aung San Suu Kyi a dam lio a si

Kawlram ah Democracy a um khawhnak caah tiin lutlai a si mi Aung San Suu Kyi cu a tu lio hrawng hi a mah zohkhentu siibawipa nih a caan hman tein a zohkhen tiah, mit in a hmutu hna nih December 4, 2008 ahkhan AFP thawngca an chim. Suu Kyi zohkhentu siibawi Tin Myo Win le a mah tangah a tuan mi hna cu December 3, 2008 ni zinglei sangah Aung San Suu Kyi umnak leiah an kal i, suimilam 4 an ruah hnuah an chuak`han ti a si. Daw Suu hi thlakhat voikhat in a ngamdamnak zohter ding a si tiah NLD biachimnak nawl ngeitu U Nyan Win nih a chim. Aung San Suu Kyi hi a inn ah an chanh tawn mi rawl ei duhloin a um hnu, September 14, 2008 ahkhan a siibawi Dr. Tin Myo Win nih sii a a rak rawnpiak i, hi hnu lawnglawng ah Aung San Suu Kyi nih a lengleiin an pek mi rawl hna hi a rak ei `han. Atu lio te hi a dam tiah thawng theih a si. (Ref. AFP)

Tuluk le Kawl ralkap i hawikomhnak an karhter

Kawlram nih a siangpahrang bantuk in a zoh mi Tuluk he ralkap lei i hawikomhnak kan karhter tiah, "Ram pahnih ralbawi hna cu kan November 30, 2008 ahkhan hnatlaknak an tuah hna. Tuluk ram ralbawipa Chen Bingde le Kawlram leiin Thura Shwemann hna cu ram pahnih ralkap hna lakah i hawikomhnak karhter ding le i tlonkai dingin hnatlaknak an tuah cang tiah,"Xinghua thanhca nih a `ial. A ralai mi 2010 kum kawlram i thimnak cu kan tuah laitiah, 'Senior General than Shwe nih Naypyidaw ah a chim hnu tlompal ah a tu bantuk in Tuluk le Kawlram ralbawi hna hi i hawikomhnak karhternak caah fehternak an ngeih hna.(Ref: Xinghua)

Mawlamiang bazar mei nih a kangh

Mawlamiang a tang bazar pi cu December 1, 2008 ni ahkhan mei nih a kangh caah vutcam le meivap ah an cang dih ti a si. Hi bazar hi (sipin) pawl nih a luanciami kum ahkhan remh`han dingah an rak ti cangmi a si i, khuachung upa pawl nih an rak nawl hna caah mahtin cun an hmang rih mi asi. Atu mei nih a kangh mi hi timhlamhnak ngeih in tuahmi a si `heo lai, tiah mitampi nih lungrumhnak an ngeih hna ti a si. Aruangbik cu hi bazar hi hitin meiinan khangh hnalo a si ahcun cozah lei nih an remhthan kho ti lai lo caah a si. Mei kangh hram aa thawk ka hrawng ahhin mipi chuahhnawh lo dingin an khap hna i, mei mit khawh a si ti lo hnuah mei hmit dingin nawl an pek hna ti a si. Cun, mei hmihtu motor (Fire service motor) an auh len zong nawlngeitu hna nih an rak thlah duhlo i, a hnu ah ti i ken loin pakhat a ra ti a si. (Ref: RFA)

Obama nih hruaitu thar a thim hna

2008-12-08T02:45:00.000-08:00

America

President thar Obama nih a mah nih a hruaimi cozah thar ah ramleng lei tuanvo latu ding le ramchung humhimnak caah tuanvo latu ding hna cu December 1, 2008 ni ahkhan rian a khinh hna. Amah he thimfung cuhnak ah a rak i zuam mi Hillary Clinton cu ram leng lei tuanvo latu ding (ram leng vuanci) ah a thim i, W. Bush nih humhimnak caah tuanvo a rak pekmi Robert Gates cu amah rian ah hmunter a si tiah, "Obama nih thawngpang hlattu hna sinah chim fiannak a ngei. Robert Gates hi W. Bush hruai mi cozah nih humhimnak lei tuanvo an rak tlaihter cangmi a si. Obama nih a rak chim tawn mi ning tein a hmunlomi vawlei ung ahhin van i thar chuah than dingin a caan a cu cang i, atu kan thim thar mi America hruaitu hna hi kan ram hruainak ah a biapi ngaiin hmailei a tlik hmasa ding an si, tiah a chim. Kan ral hna kan tei hna i, kan hawi le bawhchanh kho dingin ka si ning vialte hmangin kan tuan lai i, kan hawi hlun a si mi hna he i hawikomhnak thar fektein ngei`han dingah kan i timh tiah, "Obama nihcun a chim. Hi lawng siloin kan mipi humhimnak caah raltha in hmailei kan fawng chin lai i, kan ram chawlehthalnak ah fektein kan dir lai, tiah a chim. Kan nih cu vawleicung pi caah mei ceu hmuhsaknak/langhternak kan si lai i, vawlei cungah kan thil ti khawhnak cu voikhat kan zohter than hna lai tiah uanthlar ngaiin a chim rih. Cucu a dikmi Democracy phunghram langhternak le fektein kan dir ko ti langhternak caah a si a ti. Hiti'n America thil tikhawhnak a sangkhunnak cu

America

nih vawleicung ram kip ah a sermi thilri a kuat khawh mi hi a si tiah a chim rih. Obama nih Hillary Clinton cu ram leng vuanci ah a thim mi hi

America

ramhun thimnak ah a um bal rihlo mi a si caah chingchiah awktlak ngaingai a si fawn. Hillary cu America caah lamsialtu thar a si lai i, kan hawikom a simi ram hna he i chonhbiaknak caah a tharin kar a hlang khotu ding a si tiah,"Obama nihcun a chim." Sihni nganbik ah Eric Holder cu a thim i, Janet Napolitano cu ramchung humhimnak leiah tuanvo latu dingah thim hna dingin kan i chiah chung hna i, ti lei ralbawi penssion a hmuh cang mi James Jones cu ramchung daihnak caah a mah ruahnak cheutu le Susan Rice cu UNO lei ah palai thlah dingin kan chiah chung canghna tiah a chim. Obama hi 2009 kum January 20 ah Bible he chiahserhnak ngeih in biakamnak a tuah hnuah an ram

hram a thawk te lai. (Ref: BBC)

U Thant Kumza tlinnak Milubenh UN nih an chuah lai

2008-12-07T00:37:00.000-08:00

Ara lai mi 2009 January 22 ah kum 100 a tlingding mi UN GS hlun U Thant philhlonak milubenh phunthum kan chuah lai thiah thawng an thanh. U Thant mui in chuahding mi USD 0.94, Switzerland tangka CHF 1.30 le Euro tangka EUR 1.15 man milubenh vialte cu 2009 February 6 ah kan chuah lai tiah United Nnation sataih lei riantuannak in thawng an thanh.

Cu bantuk in Secretary-General of the United Nations a tuanmi lak ah GS a voithumnak a tuanmi U Thant milubenh an rak chuah bal lo. UN GS kumza tlinnak ah hmasa bik milubenh chuahmi a si lai tiah New York um Kawlmi milubenh a khawmmi pakhat nih a chim.

U Thant a thih lio hi Kawlram cu Newin uknak Burma Socialist Programme Party nih a rak uk lio a si. Newin cozah nih thathi in an rak don lo le an rak vui lo ruang ah siangngakchia tiang in an rak buai. U Thant buainak ti zong in Kawl tuanbia ah min hngalh ngai mi thil ah a cang.

(Ref: Moemakha)

Aleng Sianghlerun siangngakchia hna harnak an tong

2008-12-06T23:15:00.000-08:00

Alengkai sianghleirun siangngakchia hna cu fimthiamnak lei vuanci order ruang ah sunghnak tampi an tong len. Sianginn kainak ca ding i thawhmi vialte cu la dih ko u, sinain an awnnak ding ah sianginn kai lawng si lo in practical tibantuk an tuah lo ah cun an hmak ningte in tuahpiak hna u tiah vuanci nih a chim tiah cachek tu saya/ma he a naihniam mi siangngakchia hna nih an chim. Aunghmat a hmu mi lawng awnter hna u, an awn deng zong ah awnter hna hlah u a ti tiah siangngakchia pakhat nih a chim. Sianginn kainak form pek a hnu mi cu tutorial tibantuk tuah ter hna hlah u, cun an hmak sawmnga a tlin lawng ah awn ter hna u a ti. Cu ti a si mi cu sianghleirun saya pakhat nih a hmanmmi a si ko tiah a chim. Naypyidaw fimthiamnak lei zung riantuanmi pakhat nih cun cubantuk cu a um lo tiah a al.

Yangon aleng sianghleirun zung an hal tik ah cubantuk chimnak nawl kan ngei lo, upa lawng hal awk an tha lai tiah an ti. Cu bantuk in thil a um tik ah sianginn kai 75% a tling lo mi caah harnak tampi a um tiah saya/ma te le siangngakchia hna nih an ti. Cu hlei ah cubantuk a um ding a si ah cun sianginn kai hlan ah an chimawk a si tiah an ti. Aleng sianghleirun ah cun cubantuk thil a um nain Institute of Medicine (1) ah cun cubantuk cu a um lo tiah siangnakchia hna nih an ti. Institute of Medicine (1) ah cun sianginn kai 75% a tling lo nain a awngmi an um ko. Cu lak ah Senior Genereal Than Shwe i a tu Nay Shwe Thwe Aung (Pho La Pyih) i a ngaknu Nay Chi Lyin Leh zong a tel tiah sii lei siangngakchia hna nih an theih.

(Ref: BMN)

India Mubai khuaci muihnak thawngpang

2008-11-30T04:19:00.000-08:00

India ram Mubai (Bombay) khua chung i hotel minthang pakhat asimi TajMahal Hotel telh chih in hmun 9 ah mi tthalo hna nih mi tampi an thah hna. November 26, tuzarh cacawn nithumni zanlei ah acangmi thil asi. Ni hin tiang ah minung 195 an thi tiah theih a si. Athimi hinak an tamdeuh lai tiah ruah a si. Mah hitin mi athatmi mitthalo hna hi, khawika in dah an rat, aho nihdah athlah hna i, abawmhhna tihi theih khawh si rihlo. Mi thalo hna nih an kah hnawh chan mi tiah an ruah micu, Judahmi hna an i pumhnak hmun asi. Mah hitin an kah lio hna ah hin Europe le India riantuantti ding ah an biakhiahnak meeting an ngeih hnik lio asi. Aruang set hi thieh asi rihlo.

India ram comando ralkap nih an chuah hnawh hna nain, an tleih khawh mi a um rih lo. Mithalo an ruah mi minung 2 an tleih cang hna i, 2 an thah hna. India ram police officer arank asang ngaimi minung 12 an thi. Malaysia rammi pakhat zawng athi ve. Amin ah Hema Kassipalli tiasi. Aruak cu KL ah an rak phawrh than i December 1 ah a rak phan lai tia si(the Star). Mah mithalo hna hi an hmuhmi minung paoh kha kah thlawrh in an kah mihna asi caah minung tamlak te an thi. Tlanglawng icitnak buda chung zawng ah an kali bomb an va cheh. Taj Mahal Hotel lawng siloin adang hotel minthang pakhat a simi Oberoi timi zawng cu mithalo hna nih an lak chih. Nariman House timi Judah mi umnak inn zawng cu mithalo hna nih an lak chih. Mah hitin buainak raung ah hin, India minister cu arian in amah tein aaphuak. Mithalo hna hi Pakistan ram lei in arami an si tiah zumh a si.
(zoh chih ding Burma Today)

Thongthlak mihna kong ah UN a daidep

2008-11-23T04:24:00.000-08:00

Kawlram ralkap nih thong a thlak mihna kong ah UN nih zei hmanh a holh lo. Thonginn an thlak mihna cu sifak bawmhnak riantuantu (humanitarian workers) hna le zalam a zawh mi hna an si. Internet hman ruang hna ah thonginn kum saupi an thlak hna. Mah hi kong ahhin, thong an thlak mihna i an chung le nih an i lungsak lo ngai. Shini a dirpiaktu zong hual lo in an tleih chih chinchap rih hna. US white house in Kawlram kong bia an chim lio ah, kawlram ai thlen khawhnak ding caah UN security council daidep in aum lonak hnga zong an rak chim chih mi a si. Mah hi tiin thong an thlak mi hna kong ah hin US nih kawl ralkap cu thalo in sual a phawt. (Ref: Irrawaddy ) Hmanthlak, UN Security council meeting an tuah lio (AP)

Ralkap nih duhpaoh in mi an thah hawi cang

2008-11-21T14:51:00.000-08:00

November thlathawkka lei ah khan, tanghra akai lio mi sianghngakchia pakhat cu Air Force lei ralkap bawipa nih namte in thilak in asawh ti a si. Cu tin an thahmi anule pa sin zawng ah ngeihthiamhalnak zawng zeihmanh an tuahlo ti asi.
Cu sianghngachia pa te cu Meikhtilar khua, Aung Zeyar sang ummi Pittai thong boarding ah aum mi Mg. Thet Paing Tun a si. A mah athih hnu ah hin sianghngakchia le minung cheukhat cu an auh hna i aning canglo in witness an tuah ter hna ti asi. Cu ticun mi athat mi ral bawi pa cu tleih le khih zeihmanh a tawnglo. RFA nih Meikhtilar police office an hal tik hna ah, "Ralkap he aapehtlaimi a si caah palek nih ayizutnak nawl kan ngei lo" tiah an lehhna ti a si.
(Ref: RFA)

Kawlram ah internet hmanruang ah thawngthlaknak

2008-11-21T14:33:00.000-08:00

Nai ah Insein thawnginn in biaceihnak an tuah hnu ah biakhiahnak an tuahmi hna ah hin Kawlram upadi section 505 aa tello mi an tlawm ti a si. Section 505 i sub-section 3 cu internet hmannak kawng a si. "charges of "intent to cause rioting" (section 153) and "statements conducting to public mischief ... which is likely to cause fear or alarm to the public" (section 505(B)),"(HRW) ti in biceihnak an inn mihna fiang ngaiin hmuh khawh a si. Internet hman in mipi thinphan thlalaunak le buainak chuahter tihi a si. 88 sianghngakchia Min Ko Naing telh chih in le phungki lutlai Gambira telh chih in cun, capothiam Zarkanar a siah mah hi section 505 hi an i tel dih tihi hmuh khawh a si. Zarkanar hi electronic upadi le adang sulanak hna sualnak 3 angei tiah ralkap cozah nih sualpuh asi i mah hna caah cun kum 45 thawngthlak ding ah biakhiah piak a si. Cu sualnak 3 anti mi ah hna cu Ramboo4, le Than Shwe fanu vangeihnak VCD angeihnak, Nargis thlichia video thlakmi tbtk hna le internet ahmannak ruang hna ah a si ti asi. Zarkanar nih cun "Information Technology thiam ka duh caah internet ka hmang ka ti i, internet hman ruang ah an ka tleih ko hih" tiah achim ti a si. (RFA)

Kawl ralkap nih thawngtlak mi mincazin (MIzzima)

2008-11-19T07:45:00.000-08:00

စဥ္	အမည္	စီရင္ခ်သည့္ေန႔	အဖြဲ႔အစည္း၊ ျပစ္ဒဏ္
၁	ကိုေက်ာ္မင္းယု (ခ) ကိုဂ်င္မီ	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ားအဖြဲ႔၊ ၆၅ ႏွစ္
၂	နီလာသိန္း	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ႏွစ္
၃	သင္းသင္းေအး (ခ) မီးမီး	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ႏွစ္
၄	သက္သက္ေအာင္	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ႏွစ္
၅	အံ့ဖြယ္ေက်ာ္	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ႏွစ္
၆	ကိုမင္းေဇယ်	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ႏွစ္
၇	ကိုေဇာ္ေဇာ္မင္း	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၈	ကိုသန္းတင္ (ခ) ၾကည္သန္း	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၉	ကိုေဇယ် (လူ႔ေဘာင္သစ္)	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၁၀	ကိုေက်ာ္ေက်ာ္ေထြး (ခ) မာကီး	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၁၁	ကိုပ႑ိတ္ထြန္း	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၁၂	ကိုသက္ေဇာ္	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၁၃	မစႏၵာမင္း (ခ) ရႊီး	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၁၄	မမာမာဦး	၁၁ ႏို၀င္ဘာ	၈၈ မ်ဳိးဆက္ ေက်ာင္းသားမ်ား အဖြဲ႔၊ ၆၅ ႏွစ္
၁၅	ဦးနႏၵ (ခ) သန္းထြဋ္ေအး	၁၁ ႏို၀င္ဘာ	ရဟန္း၊ ေငြၾကာယံေက်ာင္း၊ ၆ ႏွစ္ခြဲ
၁၆	ဦးအဂၢဓမၼ (ခ) ဖိုးသက္	၁၁ ႏို၀င္ဘာ	ရဟန္း၊ ေငြၾကာယံေက်ာင္း၊ ၆ ႏွစ္ခြဲ
၁၇	ဦး၀ိလာသကၠ (ခ) လွေထြး	၁၁ ႏို၀င္ဘာ	ရဟန္း၊ ေငြၾကာယံေက်ာင္း၊ ၆ ႏွစ္ခြဲ
၁၈	ဦးဇာေနယ (ခ) ဥာဏ္၀င္း	၁၁ ႏို၀င္ဘာ	ရဟန္း၊ ေငြၾကာယံေက်ာင္း၊ ၆ ႏွစ္ခြဲ
၁၉	ဦးဣသရိယ (ခ) ေအာင္ကိုၿငိမ္း	၁၁ ႏို၀င္ဘာ	ရဟန္း၊ ေငြၾကာယံေက်ာင္း၊ ၆ ႏွစ္ခြဲ
၂၀	ျပည့္ၿဖိဳးလိွဳင္ (ခ) အသည္းေလး	၁၁ ႏို၀င္ဘာ	တကၠသိုလ္ေက်ာင္းသား၊ ၂၄ ႏွစ္
၂၁	သိန္းေဇာ္	၁၁ ႏို၀င္ဘာ	၁၀ ႏွစ္
၂၂	ျပည့္ၿဖိဳးေအာင္ (ခ) နန္းမူ	၁၁ ႏို၀င္ဘာ	၁၀ ႏွစ္
၂၃	ေအာင္မ်ဳိးပုိင္ (ခ) အ႐ိုး	၁၁ ႏို၀င္ဘာ	၁၀ ႏွစ္
၂၄	ၿဖိဳးေမာင္ေမာင္စိုး (ခ) ၿဖိဳးႀကီး	၁၁ ႏို၀င္ဘာ	၁၀ ႏွစ္
၂၅	ကို ေနလင္းေအာင္	၁၁ ႏို၀င္ဘာ	၂၂ ႏွစ္
၂၆	သီဟ သက္တင္	၁၁ ႏို၀င္ဘာ	၈ ႏွစ္
၂၇	သီဟ ေအာင္ေအာင္	၁၁ ႏို၀င္ဘာ	၈ ႏွစ္
၂၈	ဥာဏ္လင္းထြဋ္	၁၁ ႏို၀င္ဘာ	၁၀ ႏွစ္
၂၉	ေအာင္သြင္ (ခ) ေအာင္ႀကီး	၁၁ ႏို၀င္ဘာ	၂ ႏွစ္
၃၀	ကိုျမဇံ	၁၁ ႏို၀င္ဘာ	၂ ႏွစ္
၃၁	ကိုတင္ဆန္း	၁၁ ႏို၀င္ဘာ	၂ ႏွစ္
၃၂	ဦးေအာင္ျမင့္	၁၁ ႏို၀င္ဘာ	၂ ႏွစ္
၃၃	ကိုေအာင္ေဇာ္ဦး (ဘိုကေလး)	၁၁ ႏို၀င္ဘာ	လူ႔အခြင့္အေရး ကာကြယ္ျမႇင့္တင္ေရးအဖြဲ႔၊ ၁၂ ႏွစ္
၃၄	ေမာင္ကံ (၀ါးခယ္မ)	၁၁ ႏို၀င္ဘာ	လူ႔အခြင့္အေရး ကာကြယ္ျမႇင့္တင္ေရးအဖြဲ႔၊ ၁၀ ႏွစ္
၃၅	ကိုေအာင္ေက်ာ္စိုး (ေတာင္ႀကီး)	၁၁ ႏို၀င္ဘာ	လူ႔အခြင့္အေရး ကာကြယ္ျမႇင့္တင္ေရးအဖြဲ႔၊ ၁၀ ႏွစ္
၃၆	ဂီတမွဴး ကို၀င္းေမာ္	၁၁ ႏို၀င္ဘာ	ဂီတမွဴး၊ ၇ ႏွစ္
၃၇	ဘိုဘို၀င္းလႈိင္	၁၁ ႏို၀င္ဘာ	စုစုေႏြး အမႈတြဲ၊ ၈ ႏွစ္
၃၈	စုစုေႏြး	၁၁ ႏုိ၀င္ဘာ	လူ႔အခြင့္အေရး လႈပ္ရွား တက္ႂကြသူ၊ ၁၂ ႏွစ္ ၆ လ
၃၉	ကိုသန္းႏိုင္	၁၁ ႏို၀င္ဘာ	အိတ္ခ်္အိုင္ဗြီ ေ၀ဒနာရွင္မ်ားကို ကူညီေစာင့္ေရွာက္ေပးေနသူ၊ ၆ ႏွစ္
၄၀	ေနဘုန္းလတ္	၁၀ ႏို၀င္ဘာ	ဘေလာ့ဂ္ဂါႏွင့္ အင္အယ္လ္ဒီလူငယ္ အဖြဲ႔၀င္၊ ၂၀ ႏွစ္
၄၁	သင္းဇူလိုင္ေက်ာ္	၁၀ ႏိုင္၀င္ဘာ	ေနဘုန္းလတ္အမႈတြဲ၊ ၂ ႏွစ္
၄၂	ေစာေ၀	၁၀ ႏို၀င္ဘာ	ကဗ်ာဆရာ၊ ၂ ႏွစ္
၄၃	ညီညီေထြး	၂၉ ေအာက္တိုဘာ	ေရွ႕ေန၊ ၆ လ
၄၄	မင္းကိုႏိုင္	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၄၅	ကိုကိုႀကီး	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၄၆	လွမ်ဳိးေနာင္	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၄၇	ေဌးႂကြယ္	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၄၈	ျမေအး	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၄၉	ဥာဏ္လင္း	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၅၀	ၿပံဳးခ်ဳိ	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၅၁	ေအာင္သူ	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၅၁	ေအာင္ႏိုင္	၁၁ ႏို၀င္ဘာ	၈၈ မ်ဳိးဆက္ေက်ာင္းသားမ်ားအဖြဲ႔၊ ၆၅ ႏွစ္
၅၂	ဦးတင္ယု	၁၃ ႏိုင္၀င္ဘာ	အင္အယ္လ္ဒီပါတီ၊ ၇ ႏွစ္ ၆ လ
၅၃	ကိုသန္းႏိုင္	၁၃ ႏိုင္၀င္ဘာ	၇ ႏွစ္ ၆ လ
၅၄	မလွလွေမာ္	၁၃ ႏိုင္၀င္ဘာ	၇ ႏွစ္ ၆ လ
၅၅	ကိုစိုးမင္းမင္း	၁၃ ႏိုင္၀င္ဘာ	၇ ႏွစ္ ၆ လ
၅၆	ကိုသန္႔စင္မ်ဳိး	၁၃ ႏိုင္၀င္ဘာ	၇ ႏွစ္ ၆ လ
၅၇	ကိုေက်ာ္စိုး၀င္း	၁၃ ႏိုင္၀င္ဘာ	၇ ႏွစ္ ၆ လ
၅၈	ကိုဆန္း၀င္း	၁၃ ႏိုင္၀င္ဘာ	၇ ႏွစ္ ၆ လ
၅၉	ကိုေအာင္မင္းႏိုင္	၁၃ ႏိုင္၀င္ဘာ	၇ ႏွစ္ ၆ လ
၆၀	ဦး၀င္းျမင့္	၁၃ ႏိုင္၀င္ဘာ	၇ ႏွစ္ ၆ လ
၆၁	ကိုမ်ဳိးေက်ာ္ဇင္	၁၃ ႏိုင္၀င္ဘာ	၇ ႏွစ္ ၆ လ
၆၂	ရန္ႏုိင္ထြန္း	၁၃ ႏိုင္၀င္ဘာ	ၾကည့္ျမင္တိုင္ အင္အယ္လ္ဒီပါတီ၀င္၊ ၇ ႏွစ္ ၆ လ
၆၃	ဦးေအာင္သိန္း	၇ ႏို၀င္ဘာ	အဖြဲ႔ခ်ဳပ္ေရွ႕ေန၊ ၄ လ
၆၄	ဦးခင္ေမာင္ရွိန္	၇ ႏို၀င္ဘာ	အဖြဲ႔ခ်ဳပ္ေရွ႕ေန၊ ၄ လ
၆၅	ေစာေက်ာ္ေက်ာ္မင္း	၂၉ ေအာက္တိုဘာ	ေရွ႕ေန၊ ၆ လ
၆၆	ေက်ာ္ဇင္၀င္း	၁၄ ႏုိ၀င္ဘာ	၁၆ ႏွစ္
၆၇	ေက်ာ္ေက်ာ္လင္း	၁၄ ႏုိ၀င္ဘာ	၁၃ ႏွစ္
၆၈	ၾကည္ၾကည္၀ါ	၁၄ ႏုိ၀င္ဘာ	၁၁ ႏွစ္
၆၉	ေနဇာမ်ဳိး၀င္း	၁၄ ႏုိ၀င္ဘာ	ေဒါပံု ၊ ၅ ႏွစ္
၇၀	ေအာင္ေဇာ္ဦး	၁၄ ႏုိ၀င္ဘာ	ေတာင္ႀကီး၊ ၅ ႏွစ္
၇၁	ကုိသန္းေဇာ္ျမင့္၊	၁၄ ႏုိ၀င္ဘာ	လိႈင္သာယာ အင္အယ္လ္ဒီ၊ ၉ ႏွစ္ ၆ လ
၇၂	ကုိစန္း၀င္း	၁၄ ႏုိ၀င္ဘာ	လိႈင္သာယာ အင္အယ္လ္ဒီ၊ ၉ ႏွစ္ ၆ လ
၇၃	ကုိသန္႔ဇင္မ်ဳိး	၁၄ ႏုိ၀င္ဘာ	လိႈင္သာယာ အင္အယ္လ္ဒီ၊ ၉ ႏွစ္ ၆ လ
၇၄	ေဒၚငယ္မ	၁၄ ႏုိ၀င္ဘာ	၇ ႏွစ္ ၆ လ
၇၅	ေက်ာ္စိုး၀င္း	၁၄ ႏုိ၀င္ဘာ	၇ ႏွစ္ ၆ လ
၇၆	ကိုသိုက္မင္း	၁၄ ႏုိ၀င္ဘာ	၇ ႏွစ္ ၆ လ
၇၇	ဦးေရႊေမာင္း	၁၄ ႏုိ၀င္ဘာ	မႏၱေလး အင္အယ္လ္ဒီ ၄ ႏွစ္
၇၈	ကို၀ဏၰေအာင္	၁၄ ႏုိ၀င္ဘာ	မႏၱေလး အင္အယ္လ္ဒီ ၄ ႏွစ္
၇၉	ကိုေဇာ္၀င္း	၁၄ ႏုိ၀င္ဘာ	မႏၱေလး အင္အယ္လ္ဒီ ၄ ႏွစ္
၈၀	ကိုတင္၀င္း	၁၄ ႏုိ၀င္ဘာ	ဒဂံုၿမိဳ႕နယ္၊ ၂ ႏွစ္
၈၁	ကိုညီညီမင္း	၁၄ ႏုိ၀င္ဘာ	ဒဂံုၿမိဳ႕နယ္၊ ၂ ႏွစ္
၈၂	အိမ့္ခိုင္ဦး	၁၄ ႏို၀င္ဘာ	သတင္းေထာက္၊ ၂ ႏွစ္
၈၃	ေက်ာ္ေက်ာ္သန္း	၁၄ ႏို၀င္ဘာ	အိမ့္ခိုင္ဦးႏွင့္ အတူဖမ္းခံရသူ၊ ၇ ႏွစ္
၈၄	မင္းဟန္	၁၃ ႏို၀င္ဘာ	ကဗ်ာဆရာ၊ ၁၁ ႏွစ္
၈၅	မ်ဳိးရန္ေနာင္သိန္း	၁၃ ႏို၀င္ဘာ	၂ ႏွစ္
၈၆	မင္းမင္းစိုး	၁၃ ႏို၀င္ဘာ	၂ ႏွစ္
၈၇	ဟန္နီဦး	၁၃ ႏို၀င္ဘာ	ဗကသ ေက်ာင္းသား ေခါင္းေဆာင္၊ ၉ ႏွစ္ခြဲ
၈၈	ေ၀လြင္မ်ဳိး	၁၃ ႏို၀င္ဘာ	၇ ႏွစ္ ၆ လ
၈၉	ဦးမ်ဳိးခင္	၁၃ ႏို၀င္ဘာ	ရန္ကင္း အဖြဲ႔ခ်ဳပ္ ဥကၠဌ၊ ၄ နွစ္ ၆ လ
၉၀	ကိုမ်ဳိးခိုင္	၁၃ ႏို၀င္ဘာ	၄ ႏွစ္ ၆ လ
၉၁	ကိုထင္ေက်ာ္	၁၇ ႏို၀င္ဘာ	ျမန္မာႏိုင္ငံတိုးတက္ေရးေကာ္မတီ (MDC)၊ ၁၂ ႏွစ္ ၆ လ
၉၂	ၾကည္ျဖဴေမာင္		၆ ႏွစ္ ၆ လ
၉၃	ကိုဇင္လင္းေအာင္		၆ ႏွစ္ ၆ လ
၉၄	မ်ဳိးသန္႔ (ခ) ဂၽြန္ေနာ္သန္		လူ႔အခြင့္အေရးကာကြယ္ျမႇင့္တင္သူ၊ ၆ ႏွစ္ ၆ လ
၉၅	ရဲျမတ္ဟိန္း		အင္အယ္လ္ဒီ၊ ၆ ႏွစ္ ႏွင့္ ၁၀ ႏွစ္
၉၆	ရဲမင္းဦး		အင္အယ္လ္ဒီ၊ ၆ ႏွစ္
၉၇	ကိုသိန္းေဆြ (ခ) မင္းစိုး		အင္အယ္လ္ဒီ၊ ၆ ႏွစ္
၉၈	စည္သူေမာင္ (ခ) ရာျပည့္		ဗကသ ေက်ာင္းသား ေခါင္းေဆာင္၊ ၁၁ ႏွစ္

Malaysia ah Dr. Sui Khar le Pu Victor Biak Lian nih an kan tluang lai ti a si!!

2008-11-17T21:46:00.000-08:00

CRC upa pawl nih an kan chimnak ah Dr. Sui Khar le Pu Victor Biak Lian nih Malaysia ah tuthla 19/11/2008 nih ah Malaysia um Chin miphun hna an tlawng hna lai tiin an kan chim. Dr. Sui Khar le Pu Victor Biak Lian hi ram le miphun caah nunnak rak pek ngam tiang in biakamnak he rian an rak tuan.Tuni tiang zongah Dr. Sui Khar hna cu CNA/F ah ramleng lei pehtlaihnak ah hotu a kan tuan piak cuahmah lio te a si.Cun Pu Victor Biak Lian zong nuhrincovo( Chin Human Rights Organization) ah Board of Director ah a tal ve mi a si.

Dr. Sui Khar le Pu Victor Biak Lian hi ram le miphun caah tiin a luanciamciami kum 20 leng in biatak tein rian an rak tuan cang.Pathian nih ram le miphun caah tei an maknak cungah thluachuak a pek hna i tuni tiang zong ram le miphun caah dam le tluang tein rian an kan tuan piak cuahmah lio a si.Hmailei can zongah Pathian nih ram le miphun caah rian an tuannak cungah khuaawng a pek chinchin nakhnga thlacam bawmh cio hna uh sih. (Meifar)

Biazai phan thiam Saw Way bia an khiah piak cang

2008-11-13T02:54:00.000-08:00

Kawlram ah nungak tlangval dawtnak biazai a tial ruang ah Saw Way cu kum 2 chung thawng tlak ding in bia an khiah piak ve. A nih a tial mi biazai hi angai te tiah cun state board of editors nih an check khawh in an chuah mi a si. Love journal timi ah Februay ni 14 tiah Valentine day ni kawng biazai a tial mi a si. A tial mi cu catlang ahram thawk um mi cafang paoh paoh tlar dih in rel than ah cun, Arnar yu gyi hmugyi Than Shwe timi catlang pakhat a chuak. Mah cu biazai cu tukum 2008 January thla ah khan a rak chuah mi a si. Mah ruang ah hin an tleih in Insein thawnginn ah an thlak. Kawlca cu atung in an rel bal lo i aphei lawng in rel a si. A phei in rel ah cun Saw Way tialmi biazai hi asuallam atthalo mi aum lo, tiah Saw Way shihni pa nih cun achim. Nain, Ralkap theu theu an duh paoh khan thawng cu an thlak cuah mah ko hna. (Ref: DVB )

Ralkap cozah nih minung 40 bia an khiah piak hna

2008-11-13T02:49:00.000-08:00

South Okalapa Ngwe Gyar Yan Phungki sianginn in Phungki 5 le 88 Sianghngakchia upa hna le adang dang hruaitu hna le politik rian atuan mi hna an zate in minung 40 hrawng cu November 11 ni ah khan thawng kum 65 hrawng cio thlak hna ding tiah ralkap cozah biaceih zung nih bia a khiah piak hna. Phungki pa 5 cu kum 6 cio thawnginn an thlak hna i 88 siang hngakchia upa a si mi hna Min Ze Ya, Jimmy, Ant Bwe Kyaw, Pa Neih Htun, Mah Nilar Thein le Mi Mi hna telh chih in anzate in minung 14 hna cu kum 65 chung thawngthlak ding in bia an khiah piak hna.

Irrawaddy division, Bokalay khua in Pyeh Phyo Hlaing le adang minung pa 9 hna zawng thawng kum 8 in 24 tiang an thlak cio hna ti a si.

Su Su Nwe cu thawng kum 12 le thla 6 an thlak tia si. A mah he an rak tleih chih mi Bo Bo Win Hlaing cu thawng kum 8 an thlak chih ti a si. Mah hi tin bia an vun khiah piak tik hna ah hin, Ko Min Ze Ya nih "Kum 65 lawng a si" tiah a au i, Mi Mi nih cun "Zei tik hmanh ah ka tih lo" tiah a au ti a si.

Ko Min Ko Naing le ahawi le hna cu Insein thawng inn ah an rak khumh peng hna khawh in October ni 29 ni ah Section 228 ning in Biaceihzung ah ningcang lo in nan um tiah thawng thla 6 chung an thlak chung hna i Ma U Pin thawnginn ah an thial hna. (Ref: Irrawaddy)

Thongchung i biaceihnak cu phunglam he ai kalh mi asi tiah Saandah an piah ruangah tukvelh an i huah

2008-11-08T21:08:00.000-08:00

Kan hnu November 6 ah Insein thong chung ummi ahlei biaceihnak zung ah an hren mi hna NLD chungtel a si mi U Tanh Yin Myo le a zultu hna nih ramkhel rian kong ah thong a tla mi hna nih covo an hmunh khawh nak ding caah saandah an piahnak cu ralkap pawl nih anduh lo i an kham hna.Thawng chung i biaceihnak hi phunglam he ai tlak lo mi asi anti i biaceihnak innchung ah Biaceih bawi a rak luh lio ah an dihlak in andir i ralkap pawl hna nih biaceihnak innchung ah an rak lut i a tuk velh hna tiah U Tan Yin Myo i a upaU Tanyin Oo nih a chim.(RFA)

Laitlang chung ah ralkap kalchukcho tilo ding

2008-11-01T09:36:00.000-07:00

Laitlang chung ralkap vialte lutlai Brigadier Hung Ngai, (tactical commander) byuhahmu nih Laitlang chung ah ralkap patroling tuah tilo ding tiah order a chuah ti asi. Tu thla thawk in Laitlang chung ah Kawl ralkap an i chawk chukcho tilai lo ti asi. September ni 23 ni ah khan Kawl ralkap pakhat cu Falam peng Leilket khua pawng ah an rak thah ti asi. A thattu zawng an thei thailo. Mah cu ruang zawng ah cun a si kho men ti asi. Laitlang (Chin State) chung ah Kawl ralkap batalion 9 an um i, ralkap sakhan lawng te 30 hrawng a um. Khua thlanglei chawlet atuah mihna caah thazang a dam deuh ngai cang lai tiah ruahchanh a si. (Ref: Khonumthung News) Pyinmana (kyat pyae)

A sinain, mah tluk lengluang ralkap sakhan atam mi ah cun ralkap pawl an kal chukcho ding hi afaing rih ko. Lai miphun nih tem tak tak mi porter phawrh zawng ai ning deuh kho men tiah ruah a si nain, zei tin dah asi tak tak lai ti belte cu thieh asi rih lo.

Ralkap nih KNU an kah cang

2008-11-01T08:37:00.001-07:00

Thailand ram le Kawl ram rami Taungyin tiva kam ah aummi KNU ralkap 201 cu Karen Buddhist pawl le Kawl ralkap an i bawm i an kah hna ti asi. An i kahning afak ngai ti a si. Karen ram Kala wow timi hmun ah a si. Kawl ralkap nih hin Karen pawl hi kum chiar ti ngawt in an tuk tawn ko hna nain, tu lio an tuk mi hna hi afak deuh ngai ti asi. Tu lio Kawl ralkap nih mah tihin an doh ning hna hi aruang cu kah ngawlnak a tuahcang mi miphun then ralkap hna kha ramtang an lut than suallai i KNU he an vai i fawn than sual lai ti an phan caah asi tiah ralhrang kawng thilthei pakhat asimi U Htang Aung nih achim. Shan ralkap ah hin, SSNA timi hi kah ngawlnak a rak tuah cang mi in ralkap cheukhat cu SSA he an vai i fawn than bal mihna thieh khawh asi. Cu bantuk cun Karenni ralkap pawl zawng cu Kawl ralkap nih kah hna ding ah an i tim cuah mah rih ti asi. Tuluk ramri ah a um mi adang Wah, Akha, Kokanh le NDA timi Zahkawng Tin Ying nih ahruai mi Kachin ralkap hna zawng kahngawlnak atuah rihlomi hna he itawnnak an ngei hna ti asi. (Ref: DVB )

Yangon ah Damiah an hrang

2008-10-30T06:31:00.000-07:00

October ni 28 ni ah khan Yangon Yuhzanah Tower timi, Myenigone le Pituh Yinpyin kar a um mi kung taih cu mitha lo nih an luh hnawhhna i thil an chuah hna ti asi. Namte an i ken i, dawr chung a um mi nungak pahnih cu namte in an hmuah chih hna i cu ti cun phaisa an lak ti a si. Zan suimilam 7 hrawng ah Kawl-tulluk nih an ngeih mi Myanmar Wood Mart timi zung cu mah tiin phaisa an chuh mi hna cu asi. (Ref: DVB )

John McCain, Obama vs Kawlram

2008-10-30T05:55:00.000-07:00

US ram hun thimnak cu arauh hlan ah adih cang lai i, aho dah US hruaitu thar a si lai ti cu alang te lai. Ni hin ni tiang ah hin Obama nih hin tlawmpal te atei deuh vak. Mah tluk in cun an i thlau theng lo mi hmuh khawh a si. John McCain a duh mi mipi zawng cu an men ve lo. Kawlram kawng kau he pehtlai in zoh ah cun, an debate lio ah hin John McCain nih Kawlram kawng a chim chih mi aum lo. Obama tunih cun Kawlram kawng abia ah a tleh chih mi hmuh khawh a si. Obama nih hin US chawlehnak remhthan ding kawng heh tiah a chim i, Tuluk ram he i rem deuh in um ding zawng in a chim. Kawlram ramkhelriantuan U Ngo Oon Myint nih cun, "Obama hi president vun si sehlaw, Tuluk he iremdeuh in rian a tuan hnga i, Tuluk ram hman in Kawlram caah rian a tuan khawh deuh theu lai tiah ruah channak kan ngei" tiah a chim.
John McCain cu Bush te party a si. Bush nih hin Kawlram kawng ah heh tiah rian a tuannak hmuh khawh ngai a si. Mah caah hin mitam ngai nih cun John McCain nih hin Kawlram democracy hmuhnak ding caah Obama nak in rian a tuan deuh lai tiah an hmuh. John McCain hi kum 2003 lio ah Dipayin buainak kawng he pehtlai in 2003 June thla chung ah" Crisis in Yangon" ti mi cabia cu National View timi cazual ah a rak tial bal. Kawlram kawng kau vawlei cung sin ah arak theihter.
by Meifar Journalist

Kawl Ralkap nih KNU doh ding ah an i tim

2008-10-29T19:52:00.000-07:00

Furpi caan a dih khawh in, KNU cu Kawl ralkap nih fak ngai in tuk atimh tiasi. KNU ralkap vial te hloh khawh ding inn tuk an i zal. KNU lei zawng in an i tim cia ve ti a si. KNU hi kawlram miphun then hna lak ah cun ralkap thazang a thawng bik a ngei an si i, zei tik hmanh ah kah ngawlnak tuah aa tim lo mi an si. Uar an va um ve dah!

Obama thah an timh

2008-10-28T08:43:00.000-07:00

US ramhun thimnak ah aa zuam cuahmah mi Barack Obama cu Neo-Nazi aa timi minung pahnih hna nih thah an timh ti a si. Mah cu pahnih hna cu kum 20 a simi Daniel Cowart of Bells, Tennessee, le kum 18 asimi Paul Schlesselman, of West Helena, Arkansas hna an si. Tennessee ah aum mi high school pakhat kha meithal in luhhnawh i mithah ding ah an i tinh mi a si. Minung 88 thah ding ah an i tim ti a si. Cun adang minung 14 zawng thahchih an timh hna ti asi. Meithal dawr pakhat zawng luhhnawh ding ah an i tim ti a si. Mah ti thah an timh mi hna hi minak lawng te an si i, Barack Obama zawng cu aa tel ve ti asi. Nain, US Fedaral agents pawl nih an tleih cawlh khawh hna ti asi. Mah hi kawng ah hin, Obama te campaign tuahnak nih zei hmanh lawmhnak bia le leh rulhnak an chim mi a um lo ti asi. ( Ref: AP Washington )

Nihin ni tiang ah US hruaitu ding caah thimnak an tuah cuah mah mi ah hin, Obama nih vo tam deuhpi angah cuah mah lio a si. Indianapolis le Alasaka lawng ah hin John McCain nih vo atei adang lei hi cu a teinak aum rih lo. Obama lawng te nih a lak thluah mah. Atang rihmi a caan chung ah hin John McCain nih a tei kho lai tihi ruahchannak a tlawmngai cang. Nain, adongh tikah ahodah aa tei telai ticu theih khawha si rih lo.

Rangoon ah Thlichia Ahrang lai tiah Thawngpang diklo aleng

2008-10-28T08:27:00.000-07:00

Tu thla ni 25 ni ah khan, Ralkap cozah nih fiangfai in hlathlai hmasa lo in, Yangon khua le hmun dang cheukhat hna thlichia ahrang lai tiah loud speaker in thawng pang diklo an thanh caah, micheukhat cu thin phan thlalau in an um ti a si. Yangon khua ah hin, Danyin kone le adang tiva he aa naihnak hmun te pawl ah hin mah ti cun thinphanthlalau in an umter mi hna cu a si tisi. (RFA)

Kawlram Universal Bank kawng ah thawngthanh

2008-10-28T08:03:00.000-07:00

Yangon le adang khuapi tamnawn ah aummi Myanmar Universal Bank(MUB) ah phaisa aa chiahmi paohpaoh 2009 March thla 31 hlan ah phaisa nan thoh dih lai tiah thawng an thanh. Cu hlan ah phaisa a thoh lomi paohpaoh cu ralkap cozah nih kanta ah kan ilak dih lai ti ah thawng an thanh. Cu tin thoh khawhnak ding hmun cu hmun khat lawng an tuah i, Yangon khua Pansoedan lam ah a um mi MUB lawng ah thoh khawh a si lai i, arak thohtu hna nih a herhmi thilri tlamtling tein langhter dih a si lai tiasi.

MUB hi kum 2005 lio ah khan ralkap cozah nih an rak khar cang mi a si. Mah hi bank a ngeitu U Tin Sein cu 2007 August thla ah khan Rithmang siai hna he aapehtlaimi upadi le phaisa aningcang loin hmannak upadi hna he antleih i, kum 10 thawng an thlak. Cutin Bank an kharnak cu kum 3 asi cang i mah chung ah hin Bank ah phaisa arak up mi paohpaoh rak chuah than ding ah thawng an thanh mi cu a si. U Kyaw Win(Khrihfa) a simi nih angieh mi Mayflower Bank zawng nihhin cuticun thawng an thanh ve. A ra lai mi December thlahlan ah phaisa nan rak thohthan khawh dihti asi. U Kyaw Win cu ralkap nih antlai manh lo. Ramdang ah azam diam. Khrihfa phungchimtu pakhat ah aa chuah. Kum 2005 ah an ralkap cozah nih Mayflower Bank hi an rak khar ve mi a si. ( Ref: New Era )

Tlangcung miphun then hna le Kawl ralkap

2008-10-26T21:41:00.000-07:00

Chin, Kachin, Kayin, Kareni, Mon, Rakhine le timi tlangcungmi miphun hna hi Kawl miphun he ci aa tlai lomi an si dih. Mirang rat hlan chan chung vial te cu mah tein arak iukmi miphun lawng te an si dih. Mah ram le peng khua hna kha mah bawi cio in rak iuk mi miphun lawng te an si hna. Nain, mirang ral a dih khawh in, General Aung San lam hruainak thawngin 1947 kum, Pinlung khua ah Federal Democracy Ram pakhat serti ding tiah, tlangcung miphun hruaitu hna le Aung San hruaimi tlang cung miphun hna cu an i tong hna i, hna tlaknak min an rak thut. Cu tin an rak i tinh mi Ram kawmh (Union of Burma) timi cu chun mang ah a cang. Aruang cu Aung San le adang hruaitu hna an thah ruang hna ah le, miphun alian deuh asi mi Kawl miphun hruaitu hna nih an biakam ning inn rain an tuan lo caah a si. Tlang cung miphun hruaitu hna an rak mawlh tuk ruang ah cun a si lo. An rak honest tuk bia tu a si. Ramkawm pakhat in Federal Democracy ram tak ak in vun dir kho seh law, attha tuk ding mi khi asi ko.

Tlangcung miphun hna nih an rak i ruahchan ning in thil a kal tilo tik ah, adonghnak cu hriamnaam i tleih in zalennak hmuh khawh ding, mah le sining te cothan ding ah ralhrang an rak thawh cio mi hi a si. Karen, Kachin le Shan miphun hna hi ralkap thazang athawng bik mi an rak sinain, Kachin le Shan miphun hna hi 1997 - 2000 kum karlak ah tlawmpal te te in le abu ning piin tiin, ralkap he kah ngawlnak an rak tuah dih. Karen ralkap lak ah Buddhist le Buddhist lo tiah ralkap phu hnih ah an ithen ve i Buddhist phu a si mi (DKBL) hi Kawlral kap sinah kahngawlnak an tuah ve. Cu tiin an tuah hlei hlei ah hin, Kawl ralkap he an i fonh i, Karen ralkap (KNU) cu a dohthan. Shan miphun ralkap hna hi, Hkunsa surrender atuah hnu ah hin an thazang a der thai i, an za te tiawk in kahngawlnak an tuah dih. Atu cu SSA(Southern Shan State) lawng an tang. Nain, atu kar ah hin, kah ngawlnak a tuah cia mi ralkap hna kha Kawlram cozah nih hriam tleih ter tilo ding in an timh ti a si caah, Wa ralkap hna sihna seh adang dang hna zawng an hna atla ruam hna lo i, aherh ah cun ral do ding ah timhlamhnak hna an ngei cia hna. An sakhan remh le sak hna an tuah than cuah mah ti a si. ( by Meifar )

Salai Van Dawt Thang mual liamnak le Malaysia Chin miphun hna caah chiatni

2008-10-25T09:19:00.000-07:00

by Meifar reporter

Malaysia ah hin Chin miphun azatein 200 hrawng an nunnak akan liamtak cang. Kawlram uknak thatlo tuk ruangah le a bikin Chin miphun hna cu kawl ralkap thalo nih akan hrem tuk ruang ah kan chuahkehnak hmun le hma cu chuahtak riang mang in, rili ral a si mi Malaysia ram tiang rak phanh a si. Micheu cu ratpah ah zalam tim ah anunnak an liam. Mi tampi cu Malaysia ram chung ah riantuan pah buin an nunnak a liam. Mah hitin anunnak a liam mi lakah hin, atam ngai mi cu ruahlopi thihnak hi a si. Kum 5 Chin miphun atlawmbik dozen khat renglo cu an thihnak ningcang fiang te theih lo in, ruahlopi thihnak in an thi tihi hmuh khawh a si. Nihin October ni 24 ah anunnak aliam mi Falam peng Cong The khuami pa akum (45)zawng hi a riantuannak hmun ah ruahlopiin a thi mi a si. Mah hi tiin, ruahlopi thih hi Chin miphun hna nih aruah awk kan theih lo mi thihnak phun pakhat a si. Ei le din ruang ah maw, umnak hmunhma thatlo ruang ah maw, riantuan rethieh tuk ruang ah maw silole lungretheih tuk ruang ah maw tihi biahal ding aum mi a si.

A karlak ah, miphun dang nih akan thah mi zawng cu an rak um ve. Cun, sizung ah operation aa tuah i a dam mi tampi an um bang i, adam thai kho tilomi an tam ngai ve. Chin miphun cu ralzam kan si caah, UN register ahmu rihlomi sizung a kai asi ah cun, amin hmanh unknown in chiah hmasa a si. Minung cazin ah telh lomi khi alo. Nain, UNHCR nih register vun tuah ah cun, mintial a si than. Operation i tuahtik ah, nunak caah zei aamahkhan(insurance) pakhat hmanh aumlo. Mah ticun, Malaysia ah Chin miphun 200 renglo cu mual an liam cang hna. Mikhua le miram asi caah, ifimtawlnak hmunhma le ruak i vuihnak tiang afawi lo ngai mi dirhmun a vun si. Cu hlan ahcun Kuala Lumpur he aa naihnak hmun asimi Cheras thlanmual timi ah hin ruak i vui khawh a si i, aa rem deuh ngai. Sihmanhseh, cu ka hmun cu hmun le hma nih akan zawt ve tilo caah, KL in suimilam 1 le cheu tluk aa hlatnak hmun ah vakal riangmang a hau cang. Seramban timi hmun ah a si i, nihin nitiang cu mah ka hmun ah cun iphumnak nawl kan ngei rih. Nihin, Oct 24 ni nikhat chung ah vuikhat tein dawtmi unau pahnih ruak thlahnak aum.

Salai Van Dawt Thang tuanbia tawi
Salai Van Dawt Thang (23) cu Mandalay ah a um mi Rev. Pa Hrang Hmung(Daina pa) le Pi Dawt Sung hna i an fapa lakah upa bik asi. 07/01/1985 ah ni ah a chuak. Unau chuahpi nu 3, pa 3 an si. 2003 kum ah tanghra a awng i, 2005 kum ah Western University of Yangon in B.Sc (Geology) in a daih. February 1, 2006 ni ah Malaysia a phan. September thla thawkka hrawng ah khan a paw a fah caah, sizung ah kalpi cawlh a si i, GHKL ah hin Operation vuithum tiang an tuah. Azawtnak azual ngai caah October 24, 2008 ni zinglei 4:23am ah Kuala Lumpur General Hospital ah a nunnak a kan liamtak.

Thantlang ah Mautaam Bawmhnak Concert an tuah

2008-10-25T04:15:00.000-07:00

Salai Khin Maung Thein

Thantlang ah Mautaam Concert

Nihin kan ram ah Mautaam a tlungning le har nak a ton mi hna kong cu MRP nih thlakhat chung Thangtlang peng, kalay- khampat khua tiang ah reseacrh survey tuah le data colect kan lak.Mah chung cun a har tak mi khua hna kha facang pek ding a si caah kalay in 16.10.2008 ni Thangtlang kanrak phan.MRP nih ram chung ram leng ah Mautaam kong au pi le bomh nak tuah le fund kawl nak ah concert tuah ding timh tuah nak kan ngei mi zong a tu a tlam tling cang .
Mautaam concert hla sa tu hna

Mautaam concert ah hla akan sak piak tu hna cu Cung Lian Thawng, Dawt Hlei Hniang, Bil Sung, Ni Hlei Sung,Zung Iang, Sui Tha,Sui Hniang,Sui Hnim,Tha Lian Bawi hna an si.

A caan le hmun
19.10.2008 ......Zarh pi ni a si caah Thangtlang church kip sin ah Mautaam har nak kong thawng thanh pah bu in hla sak thiam hna le MRP u pa hna cu group i then in pumh nak kan ngei hna.khrihfa bu kip nih lung lomh te in biak inn a kan onh caah lunglomh nak tam pi kan ngei.Zan lei pumh nak cu na zi3.30 pm ah TBC biak inn pi ah compine pumh nak kan ngei than i can vial te MRP nih tuan vo pek a si .Ram hla le pa thiam hla deuh sak a si i mipi biak inn kan khat ko.minung 1000reng lo kan i pum.

Mautaam concert (Town hall ) pi ah tuah a si

Chun ni tlak pumh can ah pathian hla le ram hla deuh in can hmang a si i love song sak nak hmun cu Town hall ah a si cang lai ti theih hnu cun zan 7 ah thawk ding mi kha mipi cu zan lei 5.30 hrawng cu town hall hmai khat put in an rak phan cang...Thangtlang sup,commete nih Thang tlang mipi thinlung ah mi har sa mi bomh nak thinlung an ngeih le ngeih lo ti hngalh duh nak ah man hauh lo siam tawk in pek si seh tiah an ti ....Thin phang in kan um ko.Cunglian thawng le S2 band nih a lak in music thil ril vial te hmang a si.Hla sa tu pawl zong nih Mautaam caah cun ti mi he man pek hau lo tiah an ti ve...Pathiam khua kham program a si nak cu mi zei hmanh nih kan mah rian cio pei a si ti mi thinlung a langh ter..Zan 7.00pmthawk ding kan ti mi cu mipi in hmai ah an tam tuk caah tuan deuh in inn ka kan on..MRP lei kap in Van Chan Ceu nih lung lomh nak bia a chim .a dih cun thawn thanh hma sa um lo Ti le nga bang ....tiah stage hnu lei in hla sak a ra cu mipi a leng lei kap tam deuh a si caah kut ka a vun nam ciam man security tuan vo la tu sianghlei run siang hnakchia an thawng tuk caah kut ka an kham khawnh than nak a si..kut ka pahnih in on a si i mipakhat cio mah le siang tawk te pek luh a si.cheu khat cu lung thiam te in man pek ding ai ken lo mi zawng an um.cun ky 5,10,20,50,100,200,500,1000, an hun pek cio .A dongh nak ah cun mipi an tam tuk caah Towhahall khat lak te ah 2500 reng lo an si lai .a hnu le kam deuh pawl cu an dir dih.lovesong le ram hla deuh sak a si.mipi nih love song hi ti hal bang an rak hal cio ti cu chim hau lo ..hla sa tu pawl hnung zulh in an rak sak khawnh cio dih..khuaruah har ngai kan si ko.pangpar pek nak zong tuah chimh a si.

Bil Sung sak mi hla hna cu..........liam cia dawt mi, Dawt zun thuar than ning,Sian a um lo lairam, Parlak ah par siangpa hrang, Na lung ka tling rua lo ....Zung Iang sak mi.......Duh lo duh i co.Khua sik zan,Hun ka daw ve ko cang. Ni Hlei Sung sak mi...Thal ni vang caan,lairam kan zam tak lai lo,Nang re kiang um lio, Dawt Hlei Hniang sak mi... Tawh ciapar dawh ka cung zaan thlapa... Zaanghlei cawi itim cang. Ngun Doi ta, Dawt mi na dam maw,mirnag hla Cung Lian Thawng sakmi..........Dang Di ka ngai..kanmahle kan tawkcio, sem nak lung rawn khuakhat ,pacel Thawng Bawi hla saklio cu mi pilak a hum kal pah in a sak cu mi picu a pawng ah an dir an sakbawnh ve. Tha lian bawisak mi........ ka thin lungngeitu... SuiHnin sakmi....... khuachn tluang Dangin ca kan kuat, Hnuleicaan a lian cia rut hlah. Suithale SuiHniang zong nih an mahdhmi hlapakhat cio an sakve.

Mipi 2600 renglo

Mipicu 2600 reng lo an si. Town Hall ah kan i tlung lo caah a hnu lei pawlcu dir bu zoh a s. Mipicu ramhla love song sak an i ngeih tuk pin ah mau Taam bawnhnak tuahmi concert asibantukin corcert a dih tiang zei hnahnawh nakle buai nak um lo in zan 10:30 ah then siang longai in cncert pi cu dinh a hun si..
Tu hmai thla zong ah Mautaam bonh nak le Lai Par En kum (25)tling nak concert cu A hlan le Tu lio hla sak thiam pawl nih Hakha khua pi ah tuah than ding khua kham than a si caah ruah nak thazang chaw le va cio in ram le miphun dawt nak he thazang chuak cio ding in kan in sawn hna...

Mautaam Rilief Program ai awh in..

Salai Khin Maung Thein

KIA ralkap 3 Kawl ralkap nih an tleih hna

2008-10-24T03:29:00.000-07:00

Kachin Independent Army ralkap 3 cu Kawl ralkap nih Namhti khua ah an tlieh hna ti a si. KIA cu Kawl ralkap he kahngawlnak atuah cang mi an si. Tu thla ni 15 ni ah khan, Cini sehzung ah an tleih mi hna a si. Mah cu cini sehzung cu KIA/KIO kahngawlnak a tuah hnu ah ralkap cozah nih KIO sin ah a zawrh mi a si i, KIO company a si mi Buka company nih 1997 thawk in atuah cuah mah mi a si. Mah KIA ralkap hna cu security atuan cuah mah mi an si. Kawlral kap nih cun ralkap thar an khawmh hna caah kan tleih mi hna a si ti a si. Hi kawng he pehtlai in KIO lei tuanvo ngei tu hna nih thawng pang fiang te in an thanh kho rih lo. Thla ni 14 ni zawng ah khan, KIO center a umnak Laiza khua pawng Namlung khuate ah Kachin pa Brang Aung cu KIA caah ralkap na khawmh piak hna tiah an ti i thi deng mang in an velh.

Min Ko Naing le hawi le hna Laksawng an Pek

2008-10-24T03:12:00.000-07:00

Kawlram siang hngakchia hruaitu a si mi Min Ko Naing le hawi le hna cu Amerikan Sazate Bu(American Federation of Teachers)AFT nih upatpeknak laksawng " 2008 President's International Democracy Award" an pek hna. AFT cu American ram saza te miilion pakhat renglo aa tel mi bu a si. Ralkap thalo hna cu hriamnam lo le buaibai lo in an dohnak hna cung ah mah ti cun laksawng an pek mi hna a si. Sianghngakchia an za tein 35 cu mah laksawng cu an pek mi hna a si. Mah 88 sainghngachia pawl hi ralkap nih sualphawtnak phun 21 bak in taza an cuai cuah mah hna. Insein thawng inn chung ah thong an thlak peng rih hna.

Thawngpang zalen lobik mi ram 4 ah Kawlram aa tel

2008-10-24T02:51:00.000-07:00

Vawlei cung ah thawngpang zalennak a um lo bik mi ram 4 an thim mi hna ah Kawl ralkap nih ahram hram in uk cuah mah mi Kawlram cu aa tel ve. RSF timi ramri umlo mi thawnghlattu hna bu nih kum 2008 caah thawnpang zalennak aumlo bik mi ramhna cazin ah mah ti cun an tial mi a si. Ram 173 ah hlethlainak an tuah i Norway, Iceland, Luxembourn hna hi thawngpang zalennak aum cem mi ram hna an si ti asi. Erteria ram hi vawlei cung ah thawpang khenkhamnak a tam bikmi ram a si. North Korea le Turkmenistan ram hna nih an zulh i apalinak ah Kawlram cu asi tiah RSF chief director Lucie Morillon nih achim.(RFA)

Kawlram ah hin thawnpang ala mi hna, ramdang ah thawngpang akua mi hna cu ralkap nih ral tak tak ah an hmumh mi hna a si. Nikum September thla buainak lio ah khan ramdang ah thawnpang a kua mi han cu biatak tein ralkap nih an ral hna i, an tleih hna thawng an thlakhna i micheu cu an umnak hmanh theih a si ti lo. Internet blogger Nay Phone Lat hi blog a ser i thawngpang atial tawn caah an tleih i tutiang thawng inn chung ah um rih ko. Adang zawng an um len rih hna. ILO ah ca atial mi hna zawng thawng thlak i hrem an si. Kawlram ah thawngpang an khen khamhnak hi a zual chin thluah mah. Internet hrim hirm hi cozah nih an tleih dih cang i, Democracy he aa pehtlaih deuh mi thawngpang a tail mi website cu ralkap nih an phih cawlh leng mang. Lai holh in tial mi blog hna, Kawl holh in tial mi blog le internte website atam deuh cu kawlram in direct in zoh khawh asi bak lo. Access deny tiah cahang sen in aa tial tawn. Yahoo mail hman khawh a si lo. Gmail zawng hi angai te tiah cun hman khawha si lo.

Free mail paoh paoh hman lo ding tiah Ralkap hruaitu hna nih hin nawl an rak chuah mi a si.

Zar Kanar Minthatnak Laksawng an Pek

2008-10-22T06:38:00.000-07:00

Kawlram capo seihthiam Zar Kanar cu PEN Canada timi Canada catialtu bu nih minthatnak laksawng pakhat an pek. A laksawng min cu PEN Canada One Humanity Award 2008 ti asi. PEN Canada nih hin vawlei cung ramkip ah mah le hmuhning le ruahnak te te zalen ngai in a langhter mi hna a bawm chan cuah mah mi an si. Mah cu laksawng cu October 20 ah khan an pek mi a si.

PEN Canada hi kum 25 chung rian an tuan cang i, Zar Kanar zawng cu kum 15 chung chungtel pakhat a si ve. Laksawng peknak cu PEN Canada Opening Night Gala at the International Festival of Authors (IFOA) ah an tuah lai i, a tonak ding hmun cu an lawnter lai ti asi.

PEN bu hotu asi mi Nelofer Pazira nih "Catialtu hna hi an ruahnak le hmuhning hna zalen tein an tial ruang ah tleihkhih, hrem le thah an ing tawn. Zar Kanar zawng hi an hmuhning le pawmning kawng ah raltha ngai le fek ngai in kum saupi a dir peng khawh caah mah bantuk laksawng hi kan pek mi asi" tiah a chim.

A nih hi, catialthiam, fidi, fidi-director le capo seihthiam a si. 1988 kum lio ah acozah dodalnak phung achim caah an tleih i thla 6 thawng an thlak bal. 1990 kum lio ah an tleih than i kum 5 thawng an thlak. Kum 4 a tlak hnu ah an thlahthan. 1994 kum ah thonginn in a hung chuak nain, capo seihnak le drama tuahnak cu acozah nih an khap. 2006 kum ah hin, BBC he bia an i ruahnak ah Kawlram tithehpuai (yilawng puai) kawng he pehtlai in acozah cu a sawi caah, video zawng zeih khawh ti lo in an khen kham dih. 2007 September buainak lio ah phungki pawl rawl a pek hna caah, September 25 ni ah ralkap nih an tleihthan. October thla ah ahung chuak than. Nain, Nargis thlichia ruang ah harnak a tawng mi hna abawmhnak hna ruang ah an tleih than hawi i a tu tiang Insein thonginn ah an chiah peng ko. (Ref: Burma today)

Yangon ah Bomb apuak

2008-10-20T10:01:00.000-07:00

Yangon khua hmun hnih ah bomb a puak tiasi. Hmunkhat cu Yankin ah asi i, Baukhtaw tlanglawng station pawng Moekaung lam ah asi. October thla ni 18 ni zanlei suimilam 7:10 ah a puak mi a si tisi. Cun, October thla ni 19 ni zanlei suimilam 5:30 ah Shwepyithar ah bomb a puak rih hui i minung pakhat a thi ti asi. Thla 18 lio a puak mi kawng cu Ralkap bawipawl chuah mi tadinca ah an chuah chih nain, Shwepyithar ah a puak mi cu an chuah chih lo ti a si. Mah hi tin bomb puak kawng ahhin NLD upa le nuhrin covo caah rian atuan mihna cu ralkap nih sual an puh hna. An tleih hna i thong inn chung ah an hrem hna ti a si. Tachilake palek leng zawng ah mah ticun bomb pakhat apuak tho tho nain, thongtla pawl an zam kho hleilo ti a si. Aluanciami September thla ah khan Kawlram chung ah bomb vuithum a puak i gas motor CNG mortor pakhat a puak. Mah ti bomb puak kawng he pehtlai in, ralkap cozah cu akenkip loah sentari an cawngh ti a si. (Ref: Burma Today)

Karen Ralkap Upa Thar thimnak

2008-10-19T21:33:00.000-07:00

Karen ralkap le Karen miphun bu (KNU) ah upa thar an thim hna. October thla ni 18 ni ah khan upa thar cu an thim dih mi hna cu a si. Avui 14nak congress meeting nih mah ti cun an thim mi cu a si. Chiarman ding ah Bochok Saw Ta Mala Paw a si i, Vice- Chiarman cu Phado David Tar Kapaw a si. A liam cang mi KNU GS arak si mi Phado Mhan Sha aiawh tu ding ah cun Naw Sipho Rasein an thim.

KNU hi 1947 February ni 5 ah anrak derh mi bu a si i, atu an thim mi Chairman hi a pa 7 nak a si. (RFA)

Thawngpang Khawmhsut (Oct 12-19, 2008 )

2008-10-19T07:44:00.001-07:00

Thailand le Combodia buainak

Vawleicung thawngpang kan theih paoh ah buainak lawng te nikhat hnu nikhat in a karh chin lengmang ko cang. Atu lio hi Thailand le Cambodia ram pahnih hna cu an ramri kongah an buai ngai i, kaphnih in ralkap pawl ramri ah nai te ahkhan suimilam pakhat chung an i kap caah Cambodia ralkap 2 an thi i, Thai ralkap 5 hrawng hliam an tuar hna, tiah Combodia ralkap tuanvo ngeitu nih achim. Thai le Cambodia hi kum caan saupi chung ramri buainak ruangah ral zoh in a rak i zoh cang mi hna an si i, a tutan hi ramri vengtu dingah an chiah mi ralkap veve hna cu an i kah phahnak hi a si. Hi an i kah lio ahhin Thailand ralkap hna cu ramri um mi ralkap hna bawmh hna dingin raltuknak vanlawng (Jack Fighter)cu timh cia tein an chiah cang tiah, “Thai vanlawng ralkap Captain Maunto Skukun” nih a chim. Cambodia ram chung i a um ni Thai minung hna chanhnak dingah Thai vanlawng hna cu timh cia tein kan chiah dih cang tiah a chim chih rih. Ramri ah a um mi Thai ralkap hna cu suimilam 24 chungah nan kir dihlo a si ahcun thih le thih nung le nun tiin raldohnak hmun ah a cang lai, tiah Cambodia vuancichoh Huan Sein nih cawn ni hnih ni, October 14, 2008 ni ahkhan bia a chimnak in hi buainak hi zual lei a panh mi a si. Hi ramri buainak ruangah hin Thai rakap 84 hna cu Cambodia ramchung ah Km 1 dengmang an va lut caah Cambodia lei nih heh tiah an soisel hna. Hi buainak hi kan mah nihcun zeitik hmanh ah kan thawk hmasa lai lo i, an mah Cambodia lei an dai paoh cun kan dai ve ko lai tiah, “Thailand ralbawi Wiboonsak nih a chim.” (Ref: Bangkok Post)

Japan le India nih Kalwram an bawm

Nargis thlichia ruang ah arawkral ngaimi kawlram hmun cheukhat hna ah aherh mi sersiam thanding caah India le Japan ramhna nih an bawmh hna. Seeds Asia timi le Japan Platform hna nih mah ti bawmhnak le sersiam thannak tuan vo cu biatak tein an lak. Kawlram chung engineerbu hna he rian an tuanti hna lai ti a si. Inn le lo hna Mah tiin sersiamnak ding caah cun sianghngakchia 200 training an pek hna ti asi. Mah cu training ah cun, thlichia harnak atong lengmang mi Japan rammi hna an hmuh tawn mi zoh chih in thlichia nih ahrawhmi

hmun hna sersiam than ding ah an i zuam cuahmah mi cu a si. Mah ti rian an tuannak ah cun an caah a har bikmi cu internet hmannak aa relrem khawhlo mi hi abik in a si ti si. Thlichiah hrawhmi sersiam thannak rian an tuan cuah mah mi kawng ah tutiang ah cun cozah leiin khenkhamhnak um lem rih lo ti a si. Nain, thlichia raung ah harnak a tong mihna bomhchanhnak atuah mi NLD upa le mino cheukhat hna cu ralkap cozah nih an tleih mihna an um pah len. Thlichia ruang ah arawk bik mi peng hna cu Rangoon le Irrawaddy division hi abik in an si. I

n le lo remhthan le sak than ding caah hin, atlawmbik inkhat saknak ah US dollar 600$ a dih lai ti a si. (Ref: RFA)

Tuluk ram le Internet Hmannak

Tuluk ram chung ah internet a hmang kho mi minung sang 250(ting thawng hnih le zanga an um ti a si i. Olympic puai lio ah khan chitkhat internet hmannak zalenngai in an tuah nain, tourist pawl an tlung dih i, an internet cu heh tiah an phih than ti a si. Tuluk ram chung ah hin kum 18 atling rih lo mi cu internet hman khawh lo ding in order an chuah mi a si. Cun internet ahmang tu hna hi hman thlak dih a si lai tiah cozah leinih thawng an thanh. Kawlram bantuk in internet hi heh tiah an phih len ve. Nain, Tuluk ram hi online crime ti mi internet hmang in thil tthalo a tuah mi an tam ngainak hmun pakhat a si ve ti a si. Internet a hmang mi hi kum 2000 kum khan an tuak i alet 10 in an karh ti a si. Tuluk ram ah internet an phihnak cu GrateFirewall tiah an auh i cozah nih an duh lo mi paoh paoh cu an phih dih ti a si. (Ref: Times)

Ram thalo mincazin in N.Korea a luat

US nih puarhrang in a um mi hna bawmhtu ram cazin chungin N. Korea cu tel chih tilo dingin hnatlaknak a ngei. Hi bantukin US nih N. Korea cungah ngaihthiamnak a ngeih dingin biakhiahnak an ngeih mi hi kan i lawm ngai tiah an chim pinah an ram chungah Nuclear sernak hmun hna hrawh dih dingin N. Korea nih a ti cang mi cu ramdang palai hna zalong tein zohkhawh a si cang lai tiah :N. Korea nihcun an chim." US nih nih hi bantuk in a ngaihthiam khawhnak a sullam cu N. Korea Nuclear program a kalpi cuahmah mi kong he pehtlaih in ramdang palai hna mithmuh ah kan ngol cang timi langhternak caah N. Korea nih innka a hawng khawh cang caah a si. US nih N. Korea a ngeihthiam hna caah vawleicung bank nih N. Kore bawmhnak an phihpiaknak vialte zong an onhpiak dih than cang. A tu US nih N. Korea a ngaihthiam hna ruangah hin Japan nih US cu biatak tein a soisel ve hna. Japan finance minister Shoichi Nakagawa nihcun N. Korea ngaihthiam a si hlan, 1970-1980 kum hrawngah N. Korea ram ah Japan mi an fir mi hna an thawngpang theihter hmasa ding le hi bantuk in an ram mi an firnak hi mi puar hrang pawl tuahserhnak a si tiah a chim. N. Korea nihhin Japan mi 13 hna cu mingiatu an si tiin an rak tlaih hna i a tu tiang an umnak an thei kho ti hna lo. (Ref: Sunday Post)

Asean Fund

Asean ram hna caah Phaisa fund pakhat tuah ding caah hnatlaknak kan ngei tiah Philipines president Gloria Arroyo nih October ni 15 ni ah khan a chim. Vawlei cung ah phaisa harnak aum lio can ah hin, Asean ram hna caah ayipaw phiasa a herh mi hna caah hman ding in mah cu fund cu an tuahmi si. Washington DC ah IMF meeting an tuahnak ah adang te in Asean ram ram10 hna meeting an ngei ve I cu ticun biakhiahnak an ngeih micu a si. Mah cu fund cah cun World Bank nih US dollar 10 billion an thoh piak chung hna lai ti asi.Japan, Tuluk le South Korea ram hna zawng mah cu fund ah cun an pek ve cio ding ah Philiphine president Gloria Arroyo in forhfialnaka chim. Mah ti a yipaw fund an ngeih minih cun Asean ram hna nih an tawn cuah mah mi harnak hna caah a bawm kho tua si lai tiah ruah channak an ngei. (Ref: RFA)

Gambarri Sawinak Atong

2008-10-15T05:48:00.000-07:00

Kawlram ramkhelrian sersiam than ding ah UN nih rian aa khinh mi hma akal pitu ding ah palai an thlah mi Mr. Gambarri nih "2010 tik Kawlram ralkap nih an tuah dingmi phunghram apom tiah nan ka ti mi hi a dik lo" tiah London in chuah mi The Guardian cazual editor sin ca a kuat.

Kan hnu thla ni 26 ni ah, Kate Allen nih "Fearless, not forgotten" timi cabia pakhat cu The Guardian cazual ah a ttial. Cu cabia chung ah cun Mr. Gambarri Kawlram a kalnak kawng he pehtlai in alung tlinlonak kha a langhter. Kawl ralkap lutlai hna nih an kalpi mi phunghram cu Gambarri nih indirect in alung atlinpi hna tiah a sawi. Mah tin alung tlinlonak attil mi cu Mr. Gambarri nih "A dik lo...ka hna tlak pi bia a si lo" tiah a leh rulh than.

Kate Allen nih hi ti hin a chim "But little has come from those visits. Indeed, it could be argued that the last trip by Ibrahim Gambari has made it worse. On his last trip, he implicitly promised support for the country's elections in 2010 and endorsed the country's extremely flawed constitution, which was passed earlier this year." Read Kate Allen's article..Click Here

Kate Allen nih mah ti hin attial mi cung Mr. Gambarri cu aa lung sak lo caah, Guardian cazual ah "A si lo" tiah a lehthannak cu a si. Kate Allen cu Amnesty International UK ah Director a tuan cuah mah mi a si. A cabia chung ah hin, UN nih Kawlram ramkhelrian kawng rian an tuannak kawng ah hlawhtlinnak a um lo tikhawh a si a ti. (Ref: Guardian UK)

Nihin Kawlram Thawngpang October 13, 2008

2008-10-13T08:42:00.000-07:00

Rangoon ah mawtaw apuak

Rangoon ah mawtaw pakhat apuak i minung tamngai an thi. Taikgyi in Tirimingalar market lei ah a kal mi Bus line132, Hilux mawtaw fate cu Insein FAO zung hmai, hlan YIT(Yangon Institute of Technology) siang inn hmai ah a puak i mawtaw chung ah aa cit mi vial te an thih dih ti a si. Mah ti mawtaw a puahnak hmun hi Insein Gyohgone ah a si Insein in vunrat ah MYC biakinn phakthlan deuh te ah a si. Chun suimilam 3: 5pm ah mah ti cun bawm cu a puah mi a cu a si. Mawtaw amawng tu le spear, cun mawtaw chung aa cit mi minung pa 5 cu an thi dih ti a si. (Ref: Irrawaddy)

Ralkap duhlonak ca aphaw mi mino pawl an tleih hna

Generation Wave timi ralkap dotu mino bu chungtel minung 4 le adang mino 4 cu ralkap nih kan hnu zarh October 9 - 10, 2008 ni hna ah khan an in cio ah an tleih hna. Mah ti ca aphaw mi mino raltha hna cu zinglei kap ah mawtaw cung hna ah an phawt i, an phawt lio ah cun ralkap minung nih an ngeit thlai hna i, zan ah an inn ah an tleih mi hna a si ti a si. Tu kum March thla in tuthla tiang ah Generation Wave mino chungtel antleih mihna an za tein 20 hrawng an si cang ti a si. (Ref: RFA)

October, 2008 Thawngpang Khawmhsut

2008-10-11T20:55:00.000-07:00

Maung Aye Bangladesh a tlong

Kawlram cozah a pahnihnak lutlai a si mi Second Senior General Maung Aye le a hnu zulhtu minung 55 hna cu ram pahnih karlak i hawikomhnak karhternak dingah hmalak dingin October 8, 2008 ni ahkhan nithum caam in Bangladesh leiah an kal. Bangladesh lei kap in Tuluk-Kawlram-Bangladesh ram pathum hna i pehtlaihnak kong le ramri i a um mi Rohingya ralzam hna Kawlram lei rak kuatthan dingah ceikhannak ngeihpi dingin an kal. Amah pinah upa lutlai a si mi hna cu Secretary (1) Tihah Turah Tin Aung Myint, ralbawi lutlai a si mi Second Leutanant Col. Ye Myint le vuanci 7 nih an zulh hna. Bangladesh lei kap in an ram cozah ruahnak petu lutlai a si mi Dr. Fakhruddin Ahmed he biaruahtinak le ceihkhan tinak an ngeih hna. Hi an i ceihkhan mi hna chungah abiapit ngaimi hna cu Rohingya ralzam hna Kawlram kirtthan ding le rili chungah a chuak tawn mi buainak daihternak ding, kokek thil(tabawah dahngweh), Lam cohnak ding kong le ram pahnih karlak facang i zawrhnak kong hna a si. Hitin Kawlram uktu bawi Bangladesh a tlonak kongah Kawlcozah he aa ralkah mi, mi 30 hna cu Bangladesh khuapi Dhaka ah a um mi kawlram palai zungah duhlonak an rak langhter ve hna i, a tu lio Kawlram sining le thil umtu ning hna an aupi ve hna. Atu tan an ceihkhan mi hna cungah khuaruahhar thila simi cu Kawlram nih Bangladeh leiah kum khat ah Tones (10,0000) kuat ding le kawlram chung facang cinnak Lei hna cu Bangladesh nih contract in an i tlaih canglai i, an tuan cang lai tiin, Xinghua thanhca ah an tial. Kawlram cozah hi nikum September thla chungah kan ram abuai ni thawk khan Bangladesh he i hawikomhnak ser dingah ruahnak an rak ngeih cang mi a si. (Ref: AP)

Cozah duhlonak Catlap (100,000) renglo an phawt

Atu lio hi Rangoon le Mandalay khuapi i mipi an tam deuhnak hmun ah ralkap cozah duhlonak le dohkalhnak Catlap tampi in mino cheukhat nih an Lam lai ah mipi hmuh khawh dingin an phawt. Cu an Catlap cungah cun ralkap uknak a dih kum 2008, Democracy kan hmuhnak ding kum 2008, sifahnak in kan luat kum 2008, harnak khur chungin kan luatnak ding kum 2008 tiah an tial i an phawt. Rangoon khuachung ahcun Tlanglawng dinnak hmun le Bus station, singhngakchia tuition an kainak hmun le Hlei hna ah mipi char kho dingin an phawt dih hna i, Mandalay, Irrawaddy ramthen Ma-u-ping Sianghleirun, Zakhain ramkulh Taungkoh khuapi, Peku ramthen Taungngu le Pyi khua hna ah zapi hmuh dingin an phawt hna ti a si. Hneknaknak phun zakip um hmanh sehlaw ralkap uknak a doh mi mino an um peng rih ko ti hi a tu kan tuahsernak nih hin kan langhter mi a si tiah, “88 hrinsor thar mino bu (GW) i biachimnak nawl ngeitu Ko Moe Twe nih a chim.” 88 hrinsor hna le a dang bu chungtel tampi cu ralkap nih an tlaih cang i, hneksaknak zeitluk hmanh in tam seh, an duh mi paoh tlaih thluahmah ko hna seh moni timi cu a changtu ding a um lengmang mi a si. Minung lawng an tlaih khawh lai i, a pehzulh dingmi mino cu tlaih cawk kan si bal lai lo a ti. Kan ram luatnak Ral a doh cuahmah mi mino kan um peng ko ti hi ramchung mipi nih theih buin lungdongh lo tein hmailei ah fongchin usih tiin ‘hrinsor thar kumkhat tlinnak Ni’ ahhin mipi sinah kan in theihter hna tiah, “Ko Moe Twe nihcun a chim.” (Ref: RFA)

2008 kum chungah Nobel Laksawng a hmu mi hna

German ram mi Herald zur Hausen le France ram mi Sinoussi le Luc Montagnier hna cu kum 2008 Nobel laksawng peknak ah siilei thiamnak le thinlung le thluak riantuanning kawng kau(physiology) he pehtlaih in minung nunnak ahrawk kho mi tihnung rungrul thalo an hmuh khawh caah Nobel laksawng an pek hna. Zur Hausen nih Laksawng i cheuhnih cheukhat Sweden phaisa in million 10 (ting 100)(US dollar ting 14 le 20000) ahmuh lai. A dang pahnih hna nih cun, atang mi cu zat cio ve ve in an i then lai. Cu laksawng peknak kawng cu Sweden ram Karolinska Sianghleirun in a si. Zur Hausen, kum 72, cu cancer(khensar) a chuahter kho mi rungrul thalo "human papilloma viruses(HPV)" ti mi, abik in nupawl sin ah aum tawn mi cancer a chuahter tu rungrul ahmuh khawhnak ruang ah laksawng an pek mi cu a si. Mah cu tin a hmuh khawh mi nih cun, thathnemnak tampi a chuah ter khawh. Cu zawtnak i khamhnak vaccines sii tuahnak caah tampi thathnemnak a chuahpi ti a si. Zur Hausen cu 1936 ah achuak i siilei thiamnak ah professor a rak tuah. Cun Heidelberg ah a um mi German Cancer Research Center ah Chairman le scientific director a rak tuan. Montagni, kum 76, le Barre Sinoussi, kum 61, hna cu (HIV) rungrul an hmuh khawh ruang ah upatnak laksawng an pek mi cu a si. Mah ti an hmuh khawh mi nih hin, zawtnak thalo a ngei mi hna thlawpbulnak caah a herh mi tampi a bawmh khawh lai ti a si. Tuzarh chung ah, Nobel laksawng peknak ah hin, sii lei thiamnak hi a voikhatnak cem ah an pek hmasa leng mang mi laksawng a si. Mah khawh hin Physics lei Nobel laksawng cu America rammi Yoichiro Nambu le Japan rammi hna a si mi Makoto Kobayashi le Toshihide Maskawa hna cu 2008 Nobel Prize in Physics an pek hna. Chemistry le thiamnak caah Nobel laksawng cu cacawn nithum ni ah American US scientists le Japanese research a tuah mi hna nih an hmuh. An min cu Osamu Shimomura of Japan, le US rammi Martin Chalfie and Roger Tsienn hna an si. Catial thiam lei thiamnak caah cun, France ram mi catial thiam Jean-Marie Gustave Le Clezio timi pa an pek. Cacawn nili ni ah an pek. Daihnak le Chawlehthiamnak lei lakzawng cu hmaizarh nikhat ni ah an pek te hna lai ti a si. Acung lei kan langhter cang mi bangin HIV zawtnak a ngeih mi hna caah ruahchannak nganpi a um kho cang. (Ref: BBC)

Mipi duhthimnak an tuah lio Hmatpungtin(identy card)

Kawlram ralkap nih an tuahmi phunghram pi pawmpinak caah mipi duhthimnak hramhram in an tuahter lio i an hman mi cantlompal Hmantpungtin cu a tu lio hi Kachin state Waingmaw le Moemauh khua mi hna cu cozah nawl ngeitu hna nih an lakpiak than cang caah harnak an tong cuahmah lio a si. Hitin an lakpiak mi hna hi Hmatpung thar kan i tuahpiak hna lai tiin an lakpiak mi hna a si i, a tu lio hi khualtlong mi caah cun harnak an tong liopi a si. Atu bantuk in Hmatpungtin an lakpiak hna hnu ahhin khualtlong mi hna an check tawn nak gate hna cu Hmatpungtin loin kal kho tilo dingin an phih dih cang. (Ref: RFA)

Nobel Peace Prize (daihnak a sertu) laksawng a hmutu

Kum 2008 "deihnak a sertu" Nobel Peace laksawng cu Martti Ahtisaari nih a co. A nih hi tangcheu cachim arak si i, daihnak a sertu ah aa chuah. Kum 71 a si cang i 9-10-2008 ni ah khan Nobel Peace laksawng cu an pek. Kawlram luatnak caah aa zuam cuahmah mi Daw Aung San Sugyi an rak pek mi bantuk kha a si. A nih hi UN lutlai (administration and management) rian 1987-1991 kum tiang a rak tuan i 1990 kum ah Nambia ram zalennak a hmuh khawh nak tiang rian a rak tuan kho mi a si. Kum 2005 ah hin, kum 30 chung ral aa do cang mi Aceh ralhrang pawl le Indonesian cozah karlak ah remnak aum khawhnak ding ah Finland ram ah biaruahnak a rak tuahpi hna i cu zawng cu Helsinki khua ah hnatlak minthutnak an rak ngei i tlam a rak tling. Kum 2007 kum ah Iraq ram ah aum mi Sunni le Shiite muslim hna an i remnak ding caah lam a rak sial pi hna i hnatlaknak a rak ngeih ter khawh hna. A nih hi Bosnia-Herzegovina rian tuan tu hna caah vawlei cung hmun khip daihnak conference "International Peace conference" caah Yugoslavia ram ah 1992-1993 tiang Chiarman a rak tuan i, UN Secretary-General ai awh in Yugoslavia ram caah palai 1993 ah a rak tuan. Cu ticun Yugoslav ram ah remnak daihnak umnak ding caah heh tiah arak tuan mi a si. 1991-1994 kum tiang Finling ram ah Foreign Ministry ah a rak tuah i, an ram ah kumruk chung tuanding ah an thim. Mah khawh cun Helsinki khua ah ramkip buainak bawmhchanh ding caah zung pakhat a dirh. Tuthla chung ah hin UNESCO nih ramkip daihnak sertu tiah laksawng pakhat an rak pekbal cang. (Ref: CHRON)

A bawi pahnih a that hna hnuah a mah a thi ve

October 4, 2008 ni ahkhan Rangoon ramthen Taihkyi myone ah hram a bunh mi Ke rang ralkap-Khahmahyah Battalion (707) chungah a um mi ralkap pa te cu a cunglei ralbawi pawl sinah a lungtlinlonak a um caah pahnih a that hna. Mah pa hi ralkap sawhsawh a si rih i, a min ah Kyaw Maung Shwe ti a si. Acunglei bawi pahnih a that hna hnu-ah Motor Cycle in tlik aa timh lio ah ralkap nih an bawh hna i tlakrawh tuahnak hmun ah an i kap hnu-ah amah hi a thi ve. Hi an i kap nak ahhin Ke rang ralkap (Khahmahyah) Battalion (6) i Bohmu pakhat le a dang ralkap sawhsawh pakhat fak ngaiin hma an pu hna i, a mah Kyaw Shwe Maung hi zenthong pasarih hma in a thi ve. Amah Kyaw Maung Shwe hi Zakhain(Arakan) miphun a si i, a zam lio ahhin meithal MA-1 pakhat le 9mm Pistol pakhat, kut bomb pakhat le zenthong 190 hna a zampi ti a si. Hitin an i thahnak kong hi fiangin an chim rih lo na-in an mah pumpak miphun sersetnak bia ruangah a si tiin thawngpang a leng. (Ref: Narinjara)